હાલમાં એક વીડિયો સોશિયલ મીડિયામાં વાયરલ થઈ રહ્યો છે. જેમાં એક વિદેશી લાગતી મહિલા ગુજરાતી ગીત ‘વા વાયાને વાદળ ઉમટયા’ ગાય રહ્યા છે. જેને શેર કરીને દાવો કરવામાં આવી રહ્યો છે કે, “આ ગીત ગાય રહેલી મહિલા વિદેશી છે અને લંડનની રહેવાસી છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 11 જૂન 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ ગીત ગાય રહેલી મહિલા વિદેશી છે અને લંડનની રહેવાસી છે.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને ઓરિજનલ વીડિયો પ્રાપ્ત થયા હતા.
આ વીડિયો ઘ પૂજા રાઉ નામના ઈનસ્ટાગ્રામ એકાઉન્ટ પર અપલોડ કરવામાં આવ્યો હતો. જે 11 સપ્ટેમ્બર 2022ના અપલોડ કરવામાં આવ્યો હતો. જે તમે નીચે જોઈ શકો છો.
તેમજ તેમના અન્ય ગુજરાતી ગીતો પરના વીડિયો પણ જોવા મળ્યા હતા. જેમાના બે વીડિયો તમે નીચે જોઈ શકો છો.
તેમજ તેમની Pooja Rao Official નામથી યુટ્યુબ ચેનલ પણ છે, જેમા તમે અન્ય ગુજરાતી ગીતો પણ તેમના મુખેથી સાંભળી શકો છો.
તેમજ તેમની ફેસબુક પ્રોફાઈલમાં તેઓ મુળ પાટણના હોવાનો ઉલ્લેખ હતો. જે તમે લિક પર ક્લિક કરી જોઈ શકાય છે. જે તમે નીચે જોઈ શકો છો.
તેમજ અમારી પડતાલને વધુ મજબૂત કરવા અમે ગાયિકા પૂજા રાઉનો સંપર્ક સાધ્યો હતો. તેમણે અમને જણાવ્યુ હતુ કે, “આ પહેલા પણ મારો વીડિયો ખોટા દાવા સાથે વાયરલ થયો હતો. મારો જન્મ ગુજરાતના પાટણમાં થયો છે અને હુ ભણી પણ પાટણમાં જ છુ. લંડનની હોવાની વાત તદ્દન છે. મારા લૂકના કારણે લોકો ધોકો ખાઈ જાય છે. અને મને વિદેશી સમજી બેસે છે.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, ગુજરાતી ગીત રહેલી આ મહિલા મુળ ગુજરાતના પાટણ શહેરની છે તેમજ તેમનુ નામ પુજા રાઉ છે. જે ગુજરાતી ગાયિકા તરીકે પ્રખ્યાત છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:ગુજરાતી ગીત રહેલી આ મહિલા મુળ ગુજરાતના પાટણ શહેરની છે તેમજ તેમનુ નામ પુજા રાઉ છે. જે ગુજરાતી ગાયિકા તરીકે પ્રખ્યાત છે.
Written By: Frany KariaResult: False
