શું ખરેખર તુર્કીના દરિયા કિનારે ભૂકંપ આવ્યા સુનામી આવી હતી…? જાણો શું છે સત્ય….

આ વીડિયો ગ્રીનલેન્ડમાં આવેલા સુનામીનો વર્ષ 2017નો છે. આ વીડિયોને તાજેતરના તુર્કી અને સીરિયામાં આવેલા ભૂકંપ સાથે કોઈ સંબંધ નથી.

મિડલ ઈસ્ટમાં સોમવારે સવારે આવેલા ભૂકંપ બાદ સોશિયલ મીડિયામાં ઘણા ફોટો અને વીડિયો વાયરલ થઈ રહ્યા છે. હાલાં એક ફેસબુક યુઝર દ્વારા એક ઘર સાથે અથડાતા વિશાળ મોજાનો વીડિયો શેર કરવાનું શરૂ કર્યું, અને દાવો કર્યો કે છે કે, “તુર્કી-સીરિયાના દરિયાકાંઠે ભૂકંપ બાદ સુનામી આવી આ તે ઘટનાનો વીડિયો છે.”

શું દાવો કરવામાં આવી રહ્યો છે.?

Samkaksh Gujarat નામના ફેસબુક યુઝર દ્વારા તારીખ 06 ફેબ્રુઆરી 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “તુર્કી-સીરિયાના દરિયાકાંઠે ભૂકંપ બાદ સુનામી આવી આ તે ઘટનાનો વીડિયો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમતી આ વીડિયે સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને Licet Studios નામની ઓફિશિયલ યુટ્યુબ ચેનલ પર આ વીડિયો પ્રાપ્ત થયો હતો. જે 18 એપ્રિલ, 2021ના રોજ અપલોડ કરવામાં આવ્યો હતો અને તેની સાથે માહિતી આપવામાં આવી હતી કે, ગ્રીનલેન્ડમાં આવેલા સુનામીનો આ વીડિયો છે.

તેમજ વીડિયો સાથે વધુ માહિતી આપવામાં આવી હતી કે, “આ વીડિયો જૂન 2017માં એક કિશોર દ્વારા લેવામાં આવ્યો હતો, જ્યારે ગ્રીનલેન્ડના નાના શહેર નુગાતસિયાકમાં સુનામી આવી હતી.” 

તેમજ આ જ યુટ્યુબ ચેનલ દ્વારા આ જ સ્થળનો આ જ ઘટનાનો વધુ એક વીડિયો અલગ એંગલથી લઇ અને સોશિયાલ મીડિયામાં અપલોડ કર્યો હતો, જે વિડિયોનું 6 મિનિટનું લાંબુ અનકટ વર્ઝન છે.

તેમજ નેશનલ જિયોગ્રાફિકની યુટ્યુબ ચેનલ પર પણ આ જ ઘટનાના વિઝ્યુઅલ સાથેનો વીડિયો જોવા મળ્યો હતો, જે 27 જૂન 2017ના અપલોડ કરવામાં આવ્યો હતો. જેની સાથે માહિતી આપવામાં આવી હતી કે, ગ્રીનલેન્ડના દરિયા કિનારે સુનામી અથડાઈ હતી.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગ્રીનલેન્ડમાં આવેલા સુનામીનો વર્ષ 2017નો છે.આ વીડિયોને તાજેતરના તુર્કી અને સીરિયામાં આવેલા ભૂકંપ સાથે કોઈ સંબંધ નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)