માલદીવમાં ભારત સામેના વિરોધના જૂના દ્રશ્યોને હાલનો વિરોધ ગણાવી શેર કરવામાં આવી રહ્યો…. જાણો શું છે સત્ય….

વાયરલ વીડિયોના વિઝ્યુઅલ્સમાં જૂન 2023માં માલદીવના વિરોધના છે. આ વીડિયોને હાલના વિવાદ સાથે કોઈ સંબંધ નથી. પોસ્ટમાં કરવામાં આવેલો દાવો ખોટો છે.

ભારત અને માલદીવ વચ્ચે ચાલી રહેલા રાજદ્વારી વિવાદ વચ્ચે, મોદી જેવા માસ્ક પહેરેલા પ્રદર્શનકારીઓના મેળાવડાને દર્શાવતો એક વીડિયો સોશિયલ મીડિયા પર વાયરલ થઈ રહ્યો છે. જે વીડિયોમાં માલદીવનમાં વડાપ્રધાન મોદી વિરૂદ્ધ તાજેતરમાં થયેલા વિરોધ દર્શાવવામાં આવ્યો છે. આ વિડિયોને શેર કરીને દાવો કરવામાં આવી રહ્યો છે કે, “માલદિવમા હાલમાં પ્રધાનમંત્રી નરેન્દ્ર મોદી સામે વિરોદ્ધ પ્રદર્શન કરવામાં આવ્યા.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 09 જાન્યુઆરી 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “માલદિવમા હાલમાં પ્રધાનમંત્રી નરેન્દ્ર મોદી સામે વિરોદ્ધ પ્રદર્શન કરવામાં આવ્યા.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે વાયરલ વીડિયોની તપાસ કરવા અમે ગૂગલ પર જૂદા-જૂદા કીવર્ડ સાથે સર્ચ કરતા અમને ઇન્ટરનેટ પર આ અંગે સર્ચ કરતા અમને જૂન 2023માં પ્રસારિત મીડિયા અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “વીડિયોમાં વિરોધ પક્ષ દ્વારા આયોજિત ભારત (ઈન્ડિયા આઉટ) સામે વિરોધ દર્શાવવામાં આવ્યો છે. પ્રદર્શન દરમિયાન, કેટલાક વિરોધીઓએ ભારતના વડાપ્રધાન નરેન્દ્ર મોદી જેવા માસ્ક પહેર્યા હતા. જો કે, માલદીવના તત્કાલીન શાસક પક્ષે વિરોધ પ્રદર્શનની નિંદા કરી હતી.” 

Themaldivesjournal 

તેમજ વધુ સર્ચ કરતા અમને સ્ક્રોલ દ્વારા પ્રસારિત અહેવાલ પ્રાપ્ત થયો હતો. જેમાં માહિતી આપવામાં આવી હતી કે, “માલદીવના વિદેશ મંત્રાલયે વિરોધ પ્રદર્શન માટે દેશની વિપક્ષી પાર્ટીઓને જવાબદાર ઠેરવી હતી. આ પ્રદર્શન માત્ર નફરત જ ઉશ્કેરતું નહોતું પરંતુ ભારત સાથે દેશના લાંબા સમયથી ચાલતા સૌહાર્દપૂર્ણ સંબંધોને ક્ષતિગ્રસ્ત કરવાના ઉદ્દેશ્ય સાથે દુશ્મનાવટને પણ પ્રોત્સાહન આપે છે.” 

તેમજ વધુ તપાસ કરતા અમને જાણવા મળ્યુ હતુ કે, અમને અન્ય મીડિયા અહેવાલો પણ પ્રાપ્ત થયા હતા જેમાં આ વિરોધ પ્રદર્શનની માહિતી આપવામાં આવી હતી, જે તમે આ લિંક, લિંક પર ક્લિક કરીને વાંચી શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોના વિઝ્યુઅલ્સમાં જૂન 2023માં માલદીવના વિરોધના છે. આ વીડિયોને હાલના વિવાદ સાથે કોઈ સંબંધ નથી. પોસ્ટમાં કરવામાં આવેલો દાવો ખોટો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)