Incomplete: મજૂરોને ગરીબ અને ખેડૂતોને નાખુશ કહેતો નીતિન ગડકરીનો વાયરલ વીડિયો અધૂરો છે… જાણો શું છે સત્ય….

નીતિન ગડકરીનો ગરીબો, મજૂરો અને ખેડૂતો નારાજ હોવાનો અધૂરો વીડિયો ખોટા અને ભ્રામક દાવાઓ સાથે વાયરલ થયો છે.

દેશની સત્તાધારી પાર્ટી ભાજપે લોકસભા ચૂંટણી માટે 195 ઉમેદવારોની પ્રથમ યાદી જાહેર કરી છે. ભાજપની પ્રથમ યાદીમાં 28 મહિલા, 47 યુવા ઉમેદવારો, 27 SC, 18 અનુસૂચિત જનજાતિ અને 57 પછાત વર્ગના ઉમેદવારોને ટિકિટ આપવામાં આવી છે. આ દરમિયાન કેન્દ્રીય રોડ ટ્રાન્સપોર્ટ અને હાઈવે મંત્રી નીતિન ગડકરીની એક વીડિયો ક્લિપ સોશિયલ મીડિયા પર વાયરલ થઈ છે. જેમાં તેઓ કહી રહ્યા છે કે આજે ગામડાના ગરીબ લોકો, મજૂરો અને ખેડૂતો સારા રસ્તા, હોસ્પિટલ, શાળા અને પીવા માટે શુદ્ધ પાણીના અભાવે દુઃખી છે. આ વીડિયોને શેર કરીને દાવો કર્યો છે કે, “નીતિન ગડકરી ખુલ્લેઆમ પોતાની સરકાર વિશે ખરાબ બોલી રહ્યા છે. આ કેપ્શન સાથે વીડિયો શેર કરવામાં આવી રહ્યો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 01 માર્ચ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “નીતિન ગડકરી ખુલ્લેઆમ પોતાની સરકાર વિશે ખરાબ બોલી રહ્યા છે. આ કેપ્શન સાથે વીડિયો શેર કરવામાં આવી રહ્યો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

જ્યારે અમે પોસ્ટની તપાસ કરી, ત્યારે અમે જોયું કે તેમાં Lallantop નો લોગો છે. આ વાતને ધ્યાનમાં રાખીને અમે લલનટોપ પર ગયા અને વીડિયો શોધવાનું શરૂ કર્યું. અમને The Lallantop ની યુટ્યુબ ચેનલ પર વાયરલ વીડિયોનું લાંબુ સંસ્કરણ મળ્યું. જે 9 ફેબ્રુઆરી 2024ના રોજ અપલોડ કરવામાં આવી હતી. લલ્નટોપના શો જામઘાટનો આ ઈન્ટરવ્યુ છે. જેમાં નીતિન ગડકરીને તેમની રાજકીય કારકિર્દી તેમજ તેમના કેબિનેટ પોર્ટફોલિયો અને સરકારને લઈને ઘણા પ્રશ્નો પૂછવામાં આવ્યા હતા. આ વીડિયોની 18 મિનિટ 20 સેકન્ડની ટાઈમલાઈન પર વાયરલ વીડિયોનો ભાગ જોઈ શકાય છે. વાસ્તવમાં પત્રકાર સૌરભ દ્વિવેદી નીતિન ગડકરી સાથે ખેડૂતોના આંદોલન અંગે વાત કરી રહ્યા હતા. આમાં, તેમને ખેડૂત ઉત્પાદક સંગઠન (FPO) વિશે પ્રશ્નો પૂછવામાં આવે છે. જેના જવાબમાં ગડકરીએ કૃષિ, ઉર્જા અને પાવર સેક્ટરમાં વિવિધતા લાવવાની વાત કરી. જેમાં ગડકરી કહે છે કે આજે ગામડાઓ, ગરીબો, મજૂરો અને ખેડૂતો નાખુશ છે. પછી ગડકરી આગળ કહે છે કે ટકાઉ વિકાસ થયો છે, પરંતુ તેટલો નથી જેટલો અન્ય સ્થળોએ થયો છે. ભાજપની સરકાર આવ્યા બાદ આ વિસ્તારમાં ઘણું કામ થઈ રહ્યું છે. ગડકરીને સરકારની સિદ્ધિઓની વધુ ગણના કરતા પણ જોઈ શકાય છે.  

અમારી શોધમાં આગળ વધતા, અમને 1 માર્ચ, 2024 ના રોજ કેન્દ્ર સરકારના પ્રેસ ઇન્ફોર્મેશન બ્યુરો તરફ કરવામાં આવેલુ એક ટ્વિટ જોયું. જેમાં વાયરલ વીડિયોનું ખંડન કરવામાં આવ્યું છે. આ ટ્વિટમાં કહેવામાં આવ્યું છે કે, “નીતિન ગડકરીનો આ વીડિયો ખોટા સંદર્ભમાં શેર કરવામાં આવી રહ્યો છે. વીડિયોમાં તેઓ ગ્રામીણ કૃષિ અર્થવ્યવસ્થા વિશે વાત કરી રહ્યા હતા જે વર્તમાન સરકાર પહેલા નબળી હતી.” 

.@INCIndia ने केंद्रीय मंत्री @nitin_gadkari के क्लिप्ड वीडियो में ग्रामीण-कृषि अर्थव्यवस्था की कमजोर परिस्थितियों को वर्तमान संदर्भ से जोड़कर गलत तरीके से साझा किया है#PIBFactCheck

✅केंद्रीय मंत्री ने यह वर्तमान सरकार से पहले के संदर्भ में कहा है pic.twitter.com/bUxgjPrIYi

— PIB Fact Check (@PIBFactCheck) March 1, 2024

આ સિવાય નીતિન ગડકરીના સત્તાવાર ટ્વિટર હેન્ડલ પર પણ કોંગ્રેસ પર વાયરલ થયેલા આ અધૂરા વીડિયો દ્વારા જૂઠ ફેલાવવાનો આરોપ લગાવ્યો છે.

श्री @nitin_gadkari जी के नाम पर @INCIndia का झूठ। pic.twitter.com/V0q5jqnTLA

— Office Of Nitin Gadkari (@OfficeOfNG) March 1, 2024

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, નીતિન ગડકરીના અધૂરા નિવેદનને ખોટી રીતે ફેલાવવામાં આવ્યું છે. મૂળ વીડિયોમાં તે કહે છે કે એવું નથી કે કામ થયું નથી. ભાજપે ગ્રામીણ વિસ્તારોમાં વિકાસ માટે ઘણું કામ કર્યું છે. પરંતુ હજુ પણ અન્ય સ્થળોની સરખામણીએ એટલો વિકાસ થયો નથી જેના કારણે લોકો નાખુશ છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)