શું ખરેખર સ્મૃતિ ઈરાનીએ તેમના એફિટેવીડમાં તે આર્ટસમાં ગ્રેજ્યુટ હોવાનું જણાવ્યુ હતુ…? જાણો શું છે સત્ય….

સ્મૃતિ ઈરાનીએ તેમના તમામ એફિટેવીડમાં જણાવ્યુ છે કે તેણે બી.કોમના પહેલા વર્ષ સુધી જ અભ્યાસ કર્યો છે. તેઓ આર્ટસમાં ગ્રેજ્યુટ હોવાની વાત તદ્દન ખોટી છે.

આગામી વર્ષમાં જ્યારે લોકસભાની ચૂંટણી યોજાવા જઈ રહી છે. ત્યારે હાલમાં સોશિયલ મીડિયામાં એક પોસ્ટ વાયરલ થઈ રહી છે. જે પોસ્ટમાં કેન્દ્રિય મંત્રી સ્મૃતિ ઈરાનીના અભ્યાસને લઇ દાવો કરવામાં આવી રહ્યો છે. આ પોસ્ટને શેર કરીને દાવો કરવામાં આવી રહ્યો છે કે, “સ્મૃતિ ઈરાનીએ 2014માં એફિટેવીડ જણાવ્યુ હતુ કે તે આર્ટસમાં ગ્રેજ્યુટ છે.”

શું દાવો કરવામાં આવી રહ્યો છે.?

Umakant Mankad નામના ફેસબુક યુઝર દ્વારા તારીખ 06 એપ્રિલ 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “સ્મૃતિ ઈરાનીએ 2014માં એફિટેવીડ જણાવ્યુ હતુ કે તે આર્ટસમાં ગ્રેજ્યુટ છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ પર સર્ચ કરતા અમને સ્મૃતિ ઈરાનીનું વર્ષ 2011ની ચૂંટણી સમયે આપેલુ એફિટેવીટ પ્રાપ્ત થયુ હતુ. જેમાં તેમણે ઉચ્ચ અભ્યાસ બી.કોમના પહેલા વર્ષ સુધી જ કર્યો હોવાનું જણાવ્યુ હતુ. જે તમે નીચે જોઈ શકો છો.

Smriti-Irani

તેમજ વધુ સર્ચ કરતા અમને વર્ષ 2014માં સ્મૃતિ ઈરાની દ્વારા કરવામાં આવેલુ એફિટેવીટ પ્રાપ્ત થયુ હતુ. જેમાં પણ તેમણે ઉચ્ચ અભ્યાસ બી.કોમના પહેલા વર્ષ સુધી જ કર્યો હોવાનું જણાવ્યુ હતુ. જે પણ તમે નીચે જોઈ શકો છો.

S24-Uttar-Pradesh-37-May-2014-GEN-3-SMRITI-IRANI-1-1

તેમજ અમારી પડતાલને વધુ મજબૂત કરવા અમે વધુ સર્ચ કર્યુ હતુ. દરમિયાન અમને વર્ષ 2019માં લોકસભાની ચૂંટણી સમયે સ્મૃતિ ઈરાની દ્વારા કરવામાં આવેલુ એફિટેવીટ પણ પ્રાપ્ત થયુ હતુ. જેમાં પણ તેમણે ઉચ્ચ અભ્યાસ બી.કોમના પહેલા વર્ષ સુધી જ કર્યો હોવાનું જણાવ્યુ હતુ. જે પણ તમે નીચે જોઈ શકો છો.

S2420190411033758

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, સ્મૃતિ ઈરાનીએ તેમના તમામ એફિટેવીડમાં જણાવ્યુ છે કે તેણે બી.કોમના પહેલા વર્ષ સુધી જ અભ્યાસ કર્યો છે. તેઓ આર્ટસમાં ગ્રેજ્યુટ હોવાની વાત તદ્દન ખોટી છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)