વર્ષ 2018થી આ મેસેજ સોશિયલ મીડિયામાં જૂદા-જૂદા શહેરના નામે વાયરલ થઈ રહ્યો છે. હાલમાં નડિયાદમાંથી કોઈ બાળકનું અપહરણ થયુ નથી. જેની પૃષ્ટી ખેડા-નડિયાદના એસપી દ્વારા જણાવવામાં આવ્યુ.
એક મહિલા અને એક બાળકનો ફોટો સોશિયલ મીડિયામાં વાયરલ થઈ રહ્યો છે. જેની સાથે દાવો કરવામાં આવી રહ્યો છે કે,“મહિલા દ્વારા આ બાળકનું ગુજરાતના નડિયાદથી અપહરણ કરવામાં આવ્યુ.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 10 જૂન 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “મહિલા દ્વારા આ બાળકનું ગુજરાતના નડિયાદથી અપહરણ કરવામાં આવ્યુ.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર આ અંગે સર્ચ કરતા અમને આ જ મહિલા અને બાળકના ફોટા સાથેની ફેસબુક પોસ્ટ 19 એપ્રિલ 2018ના પ્રાપ્ત થઈ હતી. જેમાં પણ આ જ માહિતી આપવામાં આવી હતી. જે તમે નીચે જોઈ શકો છો.
આમ એકવાત તો નક્કી થઈ કે આ બાળક અને મહિલાનો ફોટો હાલમાં ખોટા દાવા સાથે વાયરલ થઈ રહ્યો છે. ત્યારબાદ અમે નડિયાદ માંથી ખરેખર કોઈ બાળકનું અપહરણ થયુ છે કે કેમ તે અંગે સર્ચ કરતા અમને કોઈ માહિતી પ્રાપ્ત થઈ ન હતી.
ત્યારબાદ અમારી પડતાલને વધુ મજબૂત કરવા અમે ખેડા-નડિયાદ જિલ્લાના એસપી રાજેશ ગઢિયા સાથે વાત કરી હતી, તેમણે જણાવ્યુ હતુ કે, “નડિયાદમાં હાલમાં કોઈ પણ બાળકનું અપહરણ થયુ નથી, તમે જે બાળક અને મહિલાના ફોટાની વાત કરી રહ્યા છે તે પ્રકારે કોઈ બાળકનું અમારા જિલ્લામાં અપહરણ થયુ નથી, આ એક અફવા છે. લોકોને અફવાઓથી દૂર રહેવા વિંનતી છે.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો ફોટો 6 વર્ષ જૂનો વર્ષ 2018નો છે, હાલમાં નડિયાદમાંથી કોઈપણ બાળકનું અપહરણ થયુ નથી. અપહરણની વાત તદ્દન ખોટી છે. જેની પૃષ્ટી જિલ્લા પોલીસ વડા દ્વારા કરવામાં આવી છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:મહિલા દ્વારા બાળકના અપહરણના નામે વાયરલ થઈ રહ્યો છે ફેક મેસેજ… જાણો શું છે સત્ય….
Written By: Frany KariaResult: False
