તાજેતરમાં સોશિયલ મીડિયા પર ભારતે પાકિસ્તાન પર કરેલા મિસાઈલ હુમલાના નામે એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાનની કિરાના હિલ્સ પરમાણુ સાઈટ ઉડાવી દીધી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભારતે પાકિસ્તાનની કિરાના હિલ્સ પરમાણુ સાઈટ ઉડાવી દીધી હોવાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2015માં યમન ખાતે થયેલા એક વિસ્ફોટનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે.?
એક ફેસબુક યુઝર દ્વારા 18 મે, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, પ્રચંડ વિસ્ફોટ નો ઓરિજીનલ વિડિયો મળી ગયો છે., આપણા દેશમાં લોકો હજુ પણ સવાલ કરે છે. ન્યુક્લિયર સાઈટ ઉડાવી દીધી હતી પાકિસ્તાન કિરાના હિલ્સ પર તેનો સાક્ષાત્કાર કરાવતો પરફેક્ટ વિડિયો આવ્યો છે. આ વિડીયો કેટલા દુર થી શુટિંગ કર્યું છે તે સમજી શકાય તેવું છે. છેલ્લે. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાનની કિરાના હિલ્સ પરમાણુ સાઈટ ઉડાવી દીધી તેનો આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આજ વીડિયો એક ફેસબુક યુઝર દ્વારા 11 મે, 2015ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, યમનના નુકોમ પર્વત પર થયેલા વિસ્ફોટનો આ વીડિયો છે. જેના પરથી સ્પષ્ટ થાય છે કે, વાયરલ વીડિયો ભારત-પાકિસ્તાન યુદ્ધ પહેલાંનો છે.
અમારી વધુ તપાસમાં અમને hournews.net દ્વારા 12 મે, 2015ના રોજ પ્રસારિત કરવામાં આવેલા એક સમાચાર પ્રાપ્ત થયા હતા. જેમાં વાયરલ વીડિયોમાં દેખાતા દ્રશ્યોના ફોટા જોઈ શકાય છે.
ઉપરોક્ત અહેવાલમાં લખ્યું છે કે, “યમનની રાજધાની સનાના રહેવાસીઓએ સોમવારે જણાવ્યું હતું કે, રાજધાનીમાં માઉન્ટ નુકોમ પર શસ્ત્રોના ડેપોમાં થયેલા વિસ્ફોટનો આ વીડિયો છે.”
આવો જ વધુ એક વીડિયો એક યુટ્યુબ યુઝર દ્વારા પણ 18 મે, 2015ના રોજ અપલોડ કરવામાં આવ્યો હતો. જેમાં પણ એવી જ માહિતી આપવામાં આવી હતી કે, આ વીડિયો યમન ખાતે થયેલા વિસ્ફોટનો છે.
આજ વીડિયો જેવા અન્ય વીડિયો તમે અહીં અને અહીં જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભારતે પાકિસ્તાનની કિરાના હિલ્સ પરમાણુ સાઈટ ઉડાવી દીધી હોવાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2015માં યમન ખાતે થયેલા એક વિસ્ફોટનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:જાણો તાજેતરમાં ભારતે પાકિસ્તાનની કિરાના હિલ્સ પરમાણુ સાઈટ ઉડાવી દીધી હોવાના નામે વાયરલ થઈ રહેલા વીડિયોનું શું છે સત્ય…
Fact Check By: Vikas VyasResult: False
