હવામાન વિભાગે હાઇ એલર્ટ ચેતવણી જારી કરી નથી… ફેક મેસેજ વાયરલ થઈ રહ્યો… 

હાલમાં એક વિડિયો સોશિયલ મીડિયા પર એક મેસેજ વાયરલ થઈ રહ્યો છે. મીડિયાએ અહેવાલ આપ્યો છે કે દેશભરમાં સામાન્ય કરતા વધુ તાપમાન સાથે ગરમીનું મોજું ફરવાની શક્યતા છે. આ પૃષ્ઠભૂમિમાં, હવામાન વિભાગના નામે એક સંદેશ સોશિયલ મીડિયા પર વાયરલ થઈ રહ્યો છે.

જે મેસેજ શેર કરીને દાવો કરવામાં આવી રહ્યો છે કે, “હવામાન વિભાગે 29 મે થી 2 જૂન દરમિયાન તાપમાન 45°C થી 55°C ની વચ્ચે વધવાનો સંકેત આપતા હાઇ એલર્ટ જારી કર્યું છે, અને નાગરિક સુરક્ષા મહાનિર્દેશાલયે નાગરિકોને સતર્ક રહેવાની ચેતવણી જારી કરી છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 29 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હવામાન વિભાગે 29 મે થી 2 જૂન દરમિયાન તાપમાન 45°C થી 55°C ની વચ્ચે વધવાનો સંકેત આપતા હાઇ એલર્ટ જારી કર્યું છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

પહેલા વાયરલ મેસેજમાં કયા રાજ્ય માટે આ ચેતવણી આપવામાં આવી છે.? આ કહેવામાં આવ્યું ન હતું.

કીવર્ડ સર્ચ કરવાથી હવામાન વિભાગ દ્વારા મીડિયામાં જારી કરાયેલી આવી કોઈ ચેતવણી જાહેર થતી નથી.

ભારતીય હવામાન વિભાગની સત્તાવાર વેબસાઇટ પર પણ હાઇ એલર્ટ જારી કરવામાં આવી હોવાની કોઈ માહિતી નથી.

ભારતીય હવામાન વિભાગ

જ્યારે ફેક્ટ ક્રેસેન્ડોએ ભારતીય હવામાન વિભાગના કર્મચારી શુભાંગી ભૂટેનો સંપર્ક કર્યો, ત્યારે તેમણે વાયરલ દાવાનું ખંડન કર્યું અને કહ્યું, “વાયરલ થઈ રહેલો સંદેશ ખોટો છે અને ભારતીય હવામાન વિભાગે આવી કોઈ ચેતવણી જારી કરી નથી.“

વધુમાં, જ્યારે ફેક્ટ ક્રેસેન્ડોએ સિવિલ ડિફેન્સ કોમ્યુનિકેશન્સ વિભાગના ફાયર સર્વિસિસ, સિવિલ ડિફેન્સ અને હોમગાર્ડ્સ વિભાગનો સંપર્ક કર્યો, ત્યારે ત્યાંના એક કર્મચારીએ વાયરલ દાવાનું ખંડન કરતા કહ્યું, “વાયરલ મેસેજ ખોટો છે અને વિભાગે આવી કોઈ ચેતવણી જારી કરી નથી.” 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, ભારતીય હવામાન વિભાગ અને નાગરિક સંરક્ષણ મહાનિર્દેશાલયે હાઇ એલર્ટ જારી કર્યું નથી. ખોટા દાવા સાથેનો એક મેસેજ વાયરલ થઈ રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)