આ દાવો ભ્રામક છે અને ભારતીય પોસ્ટ વિભાગ દ્વારા આવો કોઈ નિર્ણય લેવામાં આવ્યો નથી.
ભારતીય પોસ્ટ વિભાગે 1 સપ્ટેમ્બર 2025થી પોસ્ટ બોક્સ બંધ કરવાનો નિર્ણય લીધો છે તેવો દાવો સોશિયલ મીડિયા પર વાયરલ થઈ રહ્યો છે.
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 04 ઓગસ્ટ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ભારતીય પોસ્ટ વિભાગે 1 સપ્ટેમ્બર 2025થી પોસ્ટ બોક્સ બંધ કરવાનો નિર્ણય લીધો છે.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
કીવર્ડ સર્ચમાં જાણવા મળ્યું કે ભારતીય ટપાલ વિભાગે આવો કોઈ નિર્ણય લીધો નથી.
ધ હિન્દુ અખબાર સાથે વાત કરતા, તેલંગાણા સર્કલના ચીફ પોસ્ટમાસ્ટર જનરલ પી.વી.એસ. રેડ્ડીએ કહ્યું, “પોસ્ટ બોક્સ બંધ કરવામાં આવશે નહીં પરંતુ તેનું આધુનિકીકરણ કરવામાં આવશે. ઉપરાંત, હવેથી આ પોસ્ટ બોક્સનું ડિજિટલી નિરીક્ષણ કરવામાં આવશે.”
ઈન્ડિયન પોસ્ટે પણ વાયરલ દાવાનું ખંડન કર્યું છે.
લાલ લેટરબોક્સનો ફોટો શેર કરતા પોસ્ટ ઓફિસે ટ્વિટ કર્યું, “હું હજુ પણ અહીં છું અને હંમેશા રહીશ! ઈન્ડિયન પોસ્ટ સમય સાથે બદલાય છે, પરંતુ કેટલીક વસ્તુઓ હંમેશા એવી જ રહેશે. અમારૂ લાલ લેટરબોક્સ અહીં જ રહેશે.”
રજિસ્ટર્ડ પોસ્ટનું વિલીનીકરણ
‘ધ ઇકોનોમિક ટાઇમ્સ’ અને ‘લોકમત’ દ્વારા શેર કરાયેલા સમાચાર અનુસાર, “ભારતીય ટપાલ વિભાગે 1 સપ્ટેમ્બર, 2025 થી તેની રજિસ્ટર્ડ પોસ્ટ સેવા બંધ કરવાનો નિર્ણય લીધો છે. આ નિર્ણય ટપાલ વિભાગના આધુનિકીકરણ યોજનાનો એક ભાગ છે. તેનો ઉદ્દેશ્ય કાર્યને ઝડપી બનાવવાનો છે. હવે રજિસ્ટર્ડ પોસ્ટ સેવાને સ્પીડ પોસ્ટ સાથે મર્જ કરવામાં આવશે, જે આ સેવાના 50 વર્ષથી વધુ જૂના ઇતિહાસનો અંત લાવશે.”
ભારતીય ટપાલ વિભાગે 6 ઓગસ્ટના રોજ ટ્વિટર પર રજિસ્ટર્ડ પોસ્ટ સેવાના સ્પીડ પોસ્ટ સાથે મર્જર અંગે પોસ્ટ કરી હતી. આ સાથે, આ સંદર્ભમાં સંચાર મંત્રાલય દ્વારા જારી કરાયેલ એક પત્ર પણ શેર કરવામાં આવ્યો છે.
રજિસ્ટર્ડ પોસ્ટ સેવાનો દાવો સોશિયલ મીડિયા પર વાયરલ થયા પછી, ભારતીય ટપાલ વિભાગે 7 ઓગસ્ટના રોજ ટ્વિટ કરીને સ્પષ્ટતા કરી હતી કે, “રજિસ્ટર્ડ પોસ્ટ સેવા બંધ કરવામાં આવશે નહીં પરંતુ તેને સ્પીડ પોસ્ટ સાથે મર્જ કરીને અપગ્રેડ કરવામાં આવશે.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ દાવો ગેરમાર્ગે દોરનારો છે અને ભારતીય પોસ્ટ વિભાગે પોસ્ટ બોક્સ કાયમી ધોરણે બંધ કરવાનો નિર્ણય લીધો નથી. તેના બદલે, ભારતીય પોસ્ટ વિભાગે રજિસ્ટર્ડ પોસ્ટ સેવાને સ્પીડ પોસ્ટ સાથે મર્જ કરીને સેવાને અપગ્રેડ કરવાનો નિર્ણય લીધો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:Fake News: શું 1 સપ્ટેમ્બરથી પોસ્ટ બોક્સ કાયમ માટે બંધ થઈ જશે…? જાણો શું છે સત્ય….
Fact Check By: Frany KariaResult: Misleading
