શું ખરેખર કેરળની કોંગ્રેસની રેલીમાં પાકિસ્તાનના ઝંડા જોવા મળ્યા…? જાણો શું છે સત્ય….

વીડિયોમાં દેખાઈ રહેલા ઝંડા પાકિસ્તાનના નથી પરંતુ રાજકીય પક્ષ IUMLના છે. પાકિસ્તાનનો ધ્વજ હોવાની વાત તદ્દન ખોટી છે.

હાથમાં લીલો ઝંડો લઈને રેલી કરી રહેલા લોકોનો એક વીડિયો સોશિયલ મીડિયા પર વાયરલ થઈ રહ્યો છે. વાયરલ વીડિયોની સાથે એવો પણ દાવો કરવામાં આવી રહ્યો છે કે, “કેરળમાં કોંગ્રેસની રેલીમાં પાકિસ્તાની ધ્વજ લહેરાવવામાં આવ્યા.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 10 ડિસેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “કેરળમાં કોંગ્રેસની રેલીમાં પાકિસ્તાની ધ્વજ લહેરાવવામાં આવ્યા.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ પર કીવર્ડ સાથે સર્ચ કરતા અમને આ રેલીના બીજા ઘણા વીડિયો પ્રાપ્ત થયા હતા. જે IUMLના ઓફિશિયલ એકાઉન્ટ પર અપલોડ કરવામાં આવ્યા હતા. જે તમે નીચે જોઈ શકો છો. 

વીડિયોમાં ધ્વજની નજીકથી તપાસ કરતાં જોઈ શકાય છે કે આ ધ્વજ માત્ર લીલો રંગનો છે. પરંતુ પાકિસ્તાનના ધ્વજમાં લીલા રંગ સિવાય એક સફેદ ભાગ છે, જે વાયરલ વીડિયોમાં ધ્વજમાં નથી. ગૂગલ સર્ચ દ્વારા અમને જાણવા મળ્યું કે આ ધ્વજ ભારતીય યુનિયન મુસ્લિમ લીગનું પ્રતિનિધિત્વ કરે છે, કેરળ સ્થિત એક રાજકીય પક્ષ (IUML કેરળ), જે કેરળમાં કોંગ્રેસ પક્ષ સાથે જોડાણમાં છે.

પાકિસ્તાની ધ્વજ અને IUML ધ્વજ વચ્ચેના તફાવતો નીચેના વિશ્લેષણમાં જોઈ શકાય છે. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલા વીડિયોમાં દેખાઈ રહેલા ઝંડા પાકિસ્તાનના નથી પરંતુ રાજકીય પક્ષ IUMLના છે. પાકિસ્તાનનો ધ્વજ હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)