શું ખરેખર ગુજરાતમાં પુત્રને ન્યાય મેળવવા ગયેલા પિતાને પોલીસ અધિકારીઓએ માર માર્યો…? જાણો શું છે સત્ય….

પોસ્ટ સાથે શેર કરવામાં આવેલો વીડિયો ગુજરાત પોલીસનો નહીં પરંતુ કર્ણાટક પોલીસનો છે. તેમજ પુત્રને ન્યાય અપાવાની મનઘડત વાર્તા આ વીડિયો સાથે શેર કરવામાં આવી રહી છે.

હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જે વીડિયોમાં જોવા મળે છે કે, એક વ્યક્તિ પોલીસ અધિકારીઓ સાથે ઝપાઝપી કરી રહ્યા છે. બાદમાં અન્ય અધિકારીઓ આ વ્યક્તિઓને અંદર લઈ જઈ રહ્યા છે. આ વીડિયોને શેર કરીને દાવો કરવામાં આવી રહ્યો છે કે, “આ વીડિયો ગુજરાત પોલીસનો છે જ્યા એક પુત્રને ન્યાય અપાવા ગયેલા પિતાને પોલીસ અધિકારીએ માર માર્યો હતો.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 26 સપ્ટેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયો ગુજરાત પોલીસનો છે જ્યા એક પુત્રને ન્યાય અપાવા ગયેલા પિતાને પોલીસ અધિકારીએ માર માર્યો હતો.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે પોસ્ટ સાથે શેર કરવામાં આવેલા વીડિયોનો સ્ક્રિનશોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને એનડીટીવી દ્વારા 28 ડિસેમ્બર 2024ના પ્રસારિત એક અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “આ ઘટના કર્ણાટકના મંડ્યા જિલ્લાના પાંડવપુરામાં એક પોલીસ સ્ટેશનમાં બની હતી. તેમાં ભૂતપૂર્વ મ્યુનિસિપલ પ્રમુખ જગદીશના પુત્ર સાગરની જમીન વિવાદ સંબંધિત પૂછપરછ દરમિયાન પોલીસ અધિકારીઓ પર હુમલો કરતા દર્શાવવામાં આવ્યા છે. સાગરે ફરિયાદી પર હુમલો કર્યા પછી ઝઘડો શરૂ થયો હતો, જે પછી પોલીસ સામે હિંસામાં પરિણમ્યો હતો. વર્ણનમાં એમ પણ કહેવામાં આવ્યું છે કે સાગરની ધરપકડ કરવામાં આવી હતી અને તેને 14 દિવસ માટે કસ્ટડીમાં રાખવામાં આવ્યો હતો.

તેમજ વધુ સર્ચ કરતા અમને હિન્દુસ્તાન ટાઈમ્સનો અહેવાલ પ્રાપ્ત થયો હતો. જે અનુસાર, “આ ઘટના માંડ્યા જિલ્લાના પાંડવપુરા પોલીસ સ્ટેશનમાં બની હતી. જમીન વિવાદની ફરિયાદ અંગે પૂછપરછ માટે બોલાવવામાં આવેલા સાગરનો પોલીસ સાથે ઝઘડો થયો. પરિસ્થિતિ વધુ વણસતાં તેણે અધિકારીઓ પર શારીરિક હુમલો કર્યો. તેની સામે કેસ નોંધવામાં આવ્યો હતો અને બાદમાં તેની ધરપકડ કરવામાં આવી હતી.” 

તેમજ વધુ સર્ચ કરતા અમને 29 ડિસેમ્બર 2024ના રોજ, એસપી માંડ્યાના સત્તાવાર એક્સ હેન્ડલ આ ઘટના વિશે એક પોસ્ટ શેર કરી, જેમાં સીસીટીવી ફૂટેજનો સમાવેશ થતો હતો. પોસ્ટમાં ઉલ્લેખ કરવામાં આવ્યો હતો કે આ ઘટના 28 ડિસેમ્બર 2024ના રોજ બની હતી અને આરોપીની ઓળખ સાગર તરીકે કરવામાં આવી હતી.

ಪಾಂಡವಪುರ ಪೊಲೀಸ್ ಠಾಣೆಯಲ್ಲಿ ನಡೆದ ಘಟನೆಗೆ ಸಂಬಂಧಿಸಿದಂತೆ ಸ್ಪಷ್ಟನೆಯನ್ನು ನೀಡುತ್ತಿರುವ ಬಗ್ಗೆ.#Pandavapura pic.twitter.com/8yOGQ5HQyF

— SP Mandya (@MandyaPolice) December 29, 2024

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાત પોલીસનો નહીં પરંતુ કર્ણાટક પોલીસનો છે. તેમજ પુત્રને ન્યાય અપાવાની મનઘડત વાર્તા આ વીડિયો સાથે શેર કરવામાં આવી રહી છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)