તાજેતરમાં સોશિયલ મીડિયા પર એરપોર્ટ પર લેન્ડિંગ થઈ રહેલા વિમાનનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, વડનગર એરપોર્ટ પર લેન્ડિંગ થઈ રહેલા વિમાનનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં એરપોર્ટ પર લેન્ડિંગ થઈ રહેલા વિમાનનો જે વીડિયો મૂકવામાં આવ્યો છે એ મુંબઈના એરપોર્ટનો છે. વડનગર ખાતે હજુ સુધી કોઈ એરપોર્ટ બન્યું નથી. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે?
એક ઈન્સ્ટાગ્રામ યુઝર દ્વારા 27 ડિસેમ્બર, 2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, વિમાન 😱લેન્ડિંગ વડનગર 🛬. પોસ્ટમાં મૂકવામાં આવેલા વીડિયો સાથે એવો દાવો કરવામાં આવી રહ્યો છે કે, વડનગર એરપોર્ટ પર લેન્ડિંગ થઈ રહેલા વિમાનનો આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈ ગુગલ રિવર્સ ઈમેજના માધ્યમથી સર્ચ કરતાં અમને પોસ્ટમાં મૂકવામાં આવેલો આજ વીડિયો એક ઈન્સ્ટાગ્રામ યુઝર દ્વારા 17 ડિસેમ્બર, 2024 ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આ હતી કે, આ વીડિયો મુંબઈના કુરલા એરપોર્ટનો છે.
ત્યાર બાદ અમે પોસ્ટમાં મૂકવામાં આવેલા વીડિયોને ધ્યાનથી જોતાં અમને એ જાણવા મળ્યું હતું કે, વીડિયોમાં દેખાતી રિક્ષાઓ પર MH ના પાસિંગવાળી નંબરપ્લેટ જોવા મળી હતી. જેના પરથી એ સ્પષ્ટ સાબિત થાય છે કે, આ વીડિયો મહારાષ્ટ્રનો જ છે.
અમારી તપાસને વધુ મજબૂત બનાવવા માટે અમે વડનગરના સ્થાનિક લોકો અને દિવ્યભાસ્કરના પત્રકાર સાથે વાતચીત કરતાં તેઓએ મને જણાવ્યું હતું કે, “હજુ સુધી વડનગરમાં કોઈ એરપોર્ટ બન્યું નથી તેમજ આ વીડિયો પણ વડનગરનો નથી.”
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ભ્રામક હોવાનું સાબિત થાય છે કારણ કે, પોસ્ટમાં એરપોર્ટ પર લેન્ડિંગ થઈ રહેલા વિમાનનો જે વીડિયો મૂકવામાં આવ્યો છે એ મુંબઈના એરપોર્ટનો છે. વડનગર ખાતે હજુ સુધી કોઈ એરપોર્ટ બન્યું નથી. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770)પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagramઅને Twitterપર Fact Crescendoને ફોલો કરો.)
Title:જાણો વડનગર ખાતે વિમાન લેન્ડિંગ થયું હોવાના નામે વાયરલ થઈ રહેલા વીડિયોનું શું છે સત્ય….
Fact Check By: Vikas VyasResult: False
