જાણો ‘તારક મહેતા કા ઉલ્ટા ચશ્મા’ના કલાકાર ચંપકકાકાના વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર ભાષા વિવાદ પર માફી માગી રહેલા તારક મહેતા કા ઉલ્ટા ચશ્માના કલાકાર ચંપકકાકાનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં મહારાષ્ટ્ર ખાતે ચાલી રહેલા ભાષા વિવાદ પર માફી માગી રહેલા તારક મહેતા કા ઉલ્ટા ચશ્માના કલાકાર ચંપકકાકાનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભાષા વિવાદ પર માફી માગી રહેલા તારક મહેતા કા ઉલ્ટા ચશ્માના કલાકાર ચંપકકાકાનો જે વીડિયો મૂકવામાં આવ્યો છે એ વર્ષ 2020માં “તારક મહેતા કા ચશ્મા સિરિયલના ચંપકકાકા ઉર્ફે અમિત ભટ્ટે સિરિયલમાં હિંદી મુંબઈની ભાષા હોવાનો સંવાદ કહ્યો હતો તેના બદલ માફી માગી હતી તેનો છે. આ વીડિયોને તાજેતરમાં મહારાષ્ટ્રમાં ચાલી રહેલા ભાષા વિવાદ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 12 જુલાઈ, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં  લખવામાં આવ્યું છે કે, “હિન્દી મુંબઈની ભાષા છે”આ વાક્ય પર MNSની તારક મહેતાના ઉલ્ટા ચશ્માના ચંપકચાચાએ માગી માફી. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં મહારાષ્ટ્ર ખાતે ચાલી રહેલા ભાષા વિવાદ પર માફી માગી રહેલા તારક મહેતા કા ઉલ્ટા ચશ્માના કલાકાર ચંપકકાકાનો આ વીડિયો છે.

Instagram Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આજ વીડિયો સાથેના સમાચાર રિપબ્લિક ભારત દ્વારા 4 માર્ચ, 2020ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આવી હતી કે, મનસેએ તારક મહેતા કા ઉલ્ટા ચશ્મા શોનો વિરોધ કર્યો છે, મુંબઈની ભાષાને હિન્દી કહેવા સામે વાંધો ઉઠાવ્યો છે. MNS એ શોના નિર્માતા અને ડાયલોગ બોલનારા ચંપકકાકા એટલે કે અમિત ભટ્ટ પાસેથી માફી માંગવાની માંગ કરી, ત્યારબાદ હોબાળો વધતો જોઈને ચંપકકાકાએ MNS કાર્યકરોની માફી માંગી.

ઉપરોક્ત આ જ માહિતી અને વીડિયો સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. India TV | hindi.asianetnews.com

પોસ્ટમાં મૂકવામાં આવેલા વીડિયોમાં છેલ્લા થોડાક દ્રશ્યો લંડન ખાતે થયેલ પ્લેન ક્રેશની દુર્ઘટનાના છે. જે તમે ટાઈમ્સ ઓફ ઈન્ડિયાના 13 જુલાઈ, 2025ના એક વીડિયો સમાચારમાં જોઈ શકો છો. 

ઉપરોક્ત આ જ માહિતી સાથેના સમાચાર hindi.newsroompost.com દ્વારા પણ 4 માર્ચ, 2020ના રોજ પ્રસારિત કરવામાં આવ્યા હતા. જે તમે નીચે જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભાષા વિવાદ પર માફી માગી રહેલા તારક મહેતા કા ઉલ્ટા ચશ્માના કલાકાર ચંપકકાકાનો જે વીડિયો મૂકવામાં આવ્યો છે એ વર્ષ 2020માં “તારક મહેતા કા ચશ્મા સિરિયલના ચંપકકાકા ઉર્ફે અમિત ભટ્ટે સિરિયલમાં હિંદી મુંબઈની ભાષા હોવાનો સંવાદ કહ્યો હતો તેના બદલ માફી માગી હતી તેનો છે. આ વીડિયોને તાજેતરમાં મહારાષ્ટ્રમાં ચાલી રહેલા ભાષા વિવાદ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)