તાજેતરમાં સોશિયલ મીડિયા પર નારેબાજી કરી રહેલી મુસ્લિમ સમુદાયની ભીડનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, ઉજ્જૈન ખાતે ઈદ પર મુસ્લિમ સમુદાયના લોકો દ્વારા હિંદુ વિરોધી નારેબાજી કરવામાં આવી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં નારેબાજી કરી રહેલી મુસ્લિમ સમુદાયની ભીડનો જે વીડિયો મૂકવામાં આવ્યો છે એ વર્ષ 2024માં બનેલી ઘટનાનો છે. જેમાં મુસ્લિમ સમુદાયના લોકો ઈઝરાયેલ વિરોધી નારેબાજી કરી રહ્યા છે. આ વીડિયોને હિંદુ ધર્મ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયો ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.
શું દાવો કરવામાં આવી રહ્યો છે.?
એક ફેસબુક યુઝર દ્વારા 2 એપ્રિલ, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, હિન્દુ બરબાદ હોગા હિંસા હલ્લાહ હિંસા હલ્લાહ. ઉજ્જૈનમાં ઈદ ઉપર હિન્દુઓના જ દેશમાં હિન્દુઓની બરબાદી ની દુઆ માંગતા પીડિત મુસ્લિમો ..! કેટલા હિન્દુ ઈચ્છે છે કે આ લોકોનો હાલ ફિલિસ્તીનીયો જેવો થવો જોઈએ ?? કે પછી સર્વે ભવન્તુ સુખીનો સર્વે સંતુ નિરામયા વિશ્વ કા કલ્યાણ હો ?? જવાબ આપો ✍️. આ લખાણમાં એવો દાવો કરવામાં આવી રહ્યો છે કે, ઉજ્જૈન ખાતે ઈદ પર મુસ્લિમ સમુદાયના લોકો દ્વારા હિંદુ વિરોધી નારેબાજી કરવામાં આવી તેનો આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ વીડિયોનો એક સ્ક્રીનશોટ લઈને ગુગલ રિવર્સ ઈમેજનો સહારો લઈને સર્ચ કરતાં અમને આજ વીડિયો સાથેના સમાચાર DVN TV દ્વારા 12 એપ્રિલ, 2024ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, ઈદની નમાજ પછી ઉજ્જૈનમાં ઈઝરાયેલ વિરુદ્ધમાં નારેબાજી કરવામાં આવી હતી. જેના વિરુદ્ધમાં હિંદુ સમાજ દ્વારા FIR પણ કરવામાં આવી હતી.
આજ વીડિયો અને માહિતી સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. Punjab Kesari MP | Siti24ujjain
અમારી વધુ તપાસમાં અમને આજ વીડિયો અને માહિતી સાથેના સમાચાર દૈનિક ભાસ્કર દ્વારા પણ વર્ષ 2024માં પ્રસારિત કરવામાં આવ્યા હોવાની માહિતી પ્રાપ્ત થઈ હતી.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટી માહિતી સાથેનો હોવાનું સાબિત થાય છે કારણ કે, પોસ્ટમાં નારેબાજી કરી રહેલી મુસ્લિમ સમુદાયની ભીડનો જે વીડિયો મૂકવામાં આવ્યો છે એ વર્ષ 2024માં બનેલી ઘટનાનો છે. જેમાં મુસ્લિમ સમુદાયના લોકો ઈઝરાયેલ વિરોધી નારેબાજી કરી રહ્યા છે. આ વીડિયોને હિંદુ ધર્મ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયો ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)
Title:જાણો ઉજેજૈનમાં ઈદ પર હિંદુ વિરોધી નારેબાજી કરવામાં આવી હોવાના નામે વાયરલ થઈ રહેલા વીડિયોનું શું છે સત્ય…
Written By: Vikas VyasResult: False
