રેતી પર લાઈટ શોનો આ વીડિયો ચીનનો છે, રાજસ્થાનનો નહીં…. જાણો શું છે સત્ય….

પોસ્ટ સાથે શેર કરવામાં આવેલો લાઈટ શોનો આ વીડિયો રાજસ્થાનના જેસલમેરનો નહીં પરંતુ ચીનનો છે. આ વીડિયોને રાજસ્થાન સાથે કોઈ સંબંધ નથી.

રેતીની વચ્ચે ચાલી રહેલા લાઇટ શોનો એક વીડિયો સોશિયલ મીડિયા પર ઝડપથી શેર થઈ રહ્યો છે. વાયરલ વીડિયોને આ દાવા સાથે શેર કરવામાં આવી રહ્યો છે કે, “આ લાઇટ શો રાજસ્થાનના જેસલમેરનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 03 ઓક્ટોબર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ લાઇટ શો રાજસ્થાનના જેસલમેરનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે વાયરલ વીડિયોને ગૂગલ રિવર્સ ઇમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને વાયરલ વીડિયો એક ચીની યુટ્યુબ ચેનલ પર આ વીડિયો મળ્યો હતો. જે વીડિયો 8 જુલાઈ, 2025ના રોજ ત્યાં શેર કરવામાં આવ્યો હતો. પોસ્ટ મુજબ, આ વીડિયો ચીનનો છે.

અમને બીજો એક વીડિયો પણ મળ્યો જે વાયરલ વીડિયો જેવો જ લાગે છે, જે dunhuang_plus નામના ઇન્સ્ટાગ્રામ એકાઉન્ટ પર અપલોડ કરવામાં આવ્યો હતો. 8 ઓગસ્ટ 2025ના રોજ અપલોડ કરાયેલો આ વીડિયો ચીનનો હોવાનું કહેવાય છે. 

અમને એક યુટ્યુબ ચેનલ પર પણ આવો જ એક વીડિયો મળ્યો. આ વીડિયો 20 ઓગસ્ટ 2025ના રોજ અપલોડ કરવામાં આવ્યો હતો. માહિતી અનુસાર, આ વીડિયો ચીનના દુનહુઆંગનો હોવાનું કહેવાય છે. 

અમને મળેલી માહિતીનો ઉપયોગ કરીને, અમે વધુ શોધ કરી અને CCTV વીડિયો ન્યૂઝ એજન્સીનો એક વીડિયો મળ્યો, જે ચીનમાં એક લાઈટ શોનું વર્ણન કરે છે. માહિતી અનુસાર, આ વીડિયો ચીનના યુક્વાનનો છે, જ્યાં મોટી સંખ્યામાં લોકો સૂર્યાસ્તનો આનંદ માણવા આવે છે.

હજારો વર્ષ પહેલાં આ સ્થળ પ્રાચીન સિલ્ક રોડ પર વેપાર અને સાંસ્કૃતિક આદાનપ્રદાનનું એક મહત્વપૂર્ણ કેન્દ્ર હતું.

આ ઉપરાંત, આ સ્થળ અને લાઇટ શો વિશેની માહિતી એક ચીની વેબસાઇટ પર આપવામાં આવી છે. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો લાઈટ શોનો આ વીડિયો રાજસ્થાનના જેસલમેરનો નહીં પરંતુ ચીનનો છે. આ વીડિયોને રાજસ્થાન સાથે કોઈ સંબંધ નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)