મેટ્રો સ્ટેશનમાં પાણી ભરાવાનો વીડિયો મુંબઈ નથી કે નથી ભારતનો…જાણો શું છે સત્ય….

આ વીડિયોનો ભારત સાથે કોઈ સંબંધ નથી. વાસ્તવમાં, આ ઘટના જાન્યુઆરીમાં બ્રાઝિલમાં આવેલા પૂર પછી બની હતી. જ્યારે મેટ્રો સ્ટેશનની દિવાલ તૂટી ગઈ હતી.

મુંબઈમાં ભારે વરસાદને કારણે જન જીવન અસ્ત-વ્યસ્ત થઈ ગયુ છે, ત્યારે હાલમાં એક વીડિયો વાયરલ થઈ રહ્યો છે જેમાં એક મેટ્રો સ્ટેશનમાં પાણી ભરાય ગયુ છે અને લોકો તેનાથી બચવા રેલીંગ પર બેસેલા જોવા મળે થે. આ વીડિયોને શેર કરીને દાવો કરવામાં આવી રહ્યો છે કે, “પાણી ભરાયાનો આ વીડિયો મુંબઈના મેટ્રો સ્ટેશનનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 20 ઓગસ્ટ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પાણી ભરાયાનો આ વીડિયો મુંબઈના મેટ્રો સ્ટેશનનો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને ડેઇલી મેઇલના ઓફિશિયલ ટ્વિટર એકાઉન્ટ પરની એક પોસ્ટ પ્રાપ્ત થઈ હતી. આ પોસ્ટ 27 જાન્યુઆરી 2025ના શેર કરવામાં આવી હતી. જેની સાથે માહિતી આપવામાં આવી હતી કે, “આ વીડિયો બ્રાઝિલના સાઓ પાઉલોમાં આવેલા ભયંકર પૂર પછીનો છે.”  

Intense flood in São Paulo, Brazil leaves commuters stranded. pic.twitter.com/xVO6yPmfU7

— Daily Mail (@DailyMail) January 27, 2025

Archive

આ ક્લુના આધારે અમે સંબંધિત કીવર્ડ્સની મદદથી ગૂગલ પર શોધ કરતા. અમને Need to Knowવેબસાઇટ પર દાવા સાથે સંબંધિત એક રિપોર્ટ મળ્યો. આ રિપોર્ટ 27 જાન્યુઆરી 2025ના રોજ પ્રકાશિત થયો હતો. આ રિપોર્ટ અનુસાર, આ વીડિયો 24 જાન્યુઆરીએ બ્રાઝિલના સાઓ પાઉલોમાં જાર્ડિમ સાઓ પાઉલો-આયર્ટન સેના મેટ્રો સ્ટેશન પર બનેલી ઘટનાનો છે. વાસ્તવમાં, બ્રાઝિલમાં ભારે પૂરને કારણે, મેટ્રો સ્ટેશનની દિવાલ તૂટી ગઈ અને પાણી અંદર આવી ગયું.

તેમજ અન્ય ન્યુઝ વેબસાઈટ દ્વારા પણ આ જ માહિતી સાથેનો અહેવાલ પ્રસારિત કરવામાં આવ્યો હતો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ વીડિયોનો ભારત સાથે કોઈ સંબંધ નથી. વાસ્તવમાં, આ ઘટના જાન્યુઆરીમાં બ્રાઝિલમાં આવેલા પૂર પછી બની હતી. જ્યારે મેટ્રો સ્ટેશનની દિવાલ તૂટી ગઈ હતી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)