હાલમાં સોશિયલ મીડિયા પર ભાજપના એક નેતાની વીડિયો ક્લિપ વાયરલ થઈ રહી છે. જેમાં એક વડીલ જનસંપર્ક કરી રહેલા ભાજપના એક નેતાને ચપ્પલનો હાર પહેરાવતા જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “આ વીડિયો હાલની બિહારની ચૂંટણી દરમિયાન ભાજપાના નેતા દ્વારા કરવામાં આવતા ચૂંટણી પ્રચાર દરમિયાનનો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 04 નવેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયો હાલની બિહારની ચૂંટણી દરમિયાન ભાજપાના નેતા દ્વારા કરવામાં આવતા ચૂંટણી પ્રચાર દરમિયાનનો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
તપાસની શરૂઆતમાં અમે વાયરલ વીડિયોના કેટલાક સ્ક્રીનશોટ લીધા હતા. અને ફોટાની રિવર્સ ઇમેજ સર્ચ પર, અમને ANI (સંગ્રહ) ના ટ્વિટર એકાઉન્ટ પર વાયરલ વીડિયો મળ્યો. આ વીડિયો 7 જાન્યુઆરી 2018ના રોજ અપલોડ કરવામાં આવ્યો હતો. તેનાથી સ્પષ્ટ થાય છે કે વાયરલ વીડિયોનો તાજેતરની લોકસભા ચૂંટણી સાથે કોઈ સંબંધ નથી.
પ્રકાશિત સમાચાર અનુસાર, આ આખી ઘટના મધ્ય પ્રદેશના ધામનોદમાં બની હતી, જ્યાં નાગરિક સંસ્થાના ચૂંટણી પ્રચાર દરમિયાન લોકોએ બીજેપી નેતા દિનેશ શર્માને જૂતાની માળા પહેરાવી હતી.
પ્રાપ્ત માહિતી પરથી વધુ શોધ કરવા પર, અમને NDTVની વેબસાઇટ પર આ સંબંધિત સમાચાર મળ્યા. 8 જાન્યુઆરી 2018 ના રોજ પ્રકાશિત આ સમાચાર અનુસાર, આ વીડિયો ઘટના મધ્ય પ્રદેશના ધામનોદ શહેરની છે. ત્યાં 2018માં ભાજપના નેતાને વૃદ્ધોની નારાજગીનો સામનો કરવો પડ્યો હતો.
ધાર જિલ્લાના ધામનોદ શહેરમાં ચાલી રહેલી નાગરિક ચૂંટણી દરમિયાન ભાજપના ઉમેદવાર દિનેશ શર્મા જનસંપર્ક કરી રહ્યા હતા. આ દરમિયાન ગુસ્સે ભરાયેલા વૃદ્ધે તેને જૂતા અને ચપ્પલનો હાર પહેરાવ્યો હતો. નીચે સંપૂર્ણ સમાચાર જુઓ.
જ્યારે અમે ધામનોદ મ્યુનિસિપલ કાઉન્સિલના અધ્યક્ષ દિનેશ શર્માનો સંપર્ક કર્યો, ત્યારે તેમણે આ ઘટનાની પુષ્ટિ કરી અને કહ્યું, “વાઈરલ થઈ રહેલા વીડિયોમાં દેખાતી વ્યક્તિ હું છું. આ ઘટના મધ્યપ્રદેશના ધાર જિલ્લામાં બની હતી જ્યારે હું એક વોર્ડમાં મ્યુનિસિપલ ચૂંટણીના પ્રચાર માટે ગયો હતો. તે સમયે એક વૃદ્ધે મને ચપ્પલનો હાર પહેરાવ્યો હતો. વાસ્તવમાં, તેઓ ભાજપના પૂર્વ પાલિકા અધ્યક્ષથી નારાજ હતા. તે મારી સાથે પ્રચાર પણ કરી રહ્યો હતો અને લોકો તેમના પર ગુસ્સે થયા હતા અને તે દરમિયાન મને ચપ્પલના હાર પહેરાવવામાં આવ્યા હતા. જેના કારણે લોકોને પાણીની ભારે સમસ્યાનો સામનો કરવો પડી રહ્યો હતો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. આ વીડિયો જાન્યુઆરી 2018નો છે, જ્યારે એક વ્યક્તિએ મધ્યપ્રદેશના ધામનોદમાં નગરપાલિકા પ્રમુખ પદ માટેના ચૂંટણી પ્રચાર દરમિયાન ભાજપના ઉમેદવાર દિનેશ શર્માને જૂતાનો હાર પહેરાવ્યો હતો. આ વીડિયોનો તાજેતરની બિહાર ચૂંટણી સાથે કોઈ સંબંધ નથી.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:બીજેપી નેતાને જૂતા અને ચપ્પલના હાર પહેરાવવાનો વીડિયો જૂનો છે, તેનો તાજેતરની બિહારની ચૂંટણી સાથે કોઈ સંબંધ નથી….
Fact Check By: Frany KariaResult: False
