રસ્તાના કિનારે પેશાબ કરી રહેલા વ્યક્તિ પર ટેન્કર દ્વારા પાણી ફેંકવાનો વીડિયો સોશિયલ મીડિયા પર ઝડપથી શેર થઈ રહ્યો છે. વાયરલ વીડિયો 25 સેકન્ડનો છે, જેમાં એક વ્યક્તિ રસ્તાના કિનારે પેશાબ કરી રહ્યો છે. પછી ત્યાંથી પસાર થઈ રહેલ એક ટેન્કર તેના પર પાણી છાંટી રહ્યું છે. વાયરલ વીડિયોને શેર કરીને દાવો કરવામાં આવી રહ્યો છે કે, “રસ્તાના કિનારે પેશાબ કરી રહેલા વ્યક્તિ પર ટેન્કર દ્વારા પાણી ફેંકવાનો આ વીડિયો ઇન્દોરનો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 21 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “રસ્તાના કિનારે પેશાબ કરી રહેલા વ્યક્તિ પર ટેન્કર દ્વારા પાણી ફેંકવાનો આ વીડિયો ઇન્દોરનો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
તપાસની શરૂઆતમાં, અમે વાયરલ વીડિયોને રિવર્સ ઇમેજના માધ્યમથી સર્ચ કરી હતી. પરિણામે, અમને કાલાઓ ટીવી નામના ફેસબુક પેજ પર વાયરલ વીડિયો મળ્યો. આ વીડિયો 15 માર્ચ, 2025ના રોજ શેર કરવામાં આવ્યો હતો. કેપ્શન મુજબ, એક પાણીના ટેન્કરે તે વ્યક્તિને પાઠ ભણાવવા માટે તેના પર પાણી રેડ્યું. આ વીડિયો અમેરિકન દેશ પેરૂનો છે.
વધુ શોધ કરતાં, અમને 15 માર્ચ, 2025 ના રોજ એન્ફોકો ટીવીના ફેસબુક એકાઉન્ટ પર અપલોડ કરાયેલ આ વીડિયો મળ્યો. કેપ્શનમાં લખ્યું હતું, “પેરૂની રાજધાની લીમામાં ઇલેક્ટ્રિક ટ્રેન ટ્રેક પાસે રસ્તા પર એક માણસ પેશાબ કરતો પકડાયો હતો. તેને પાઠ ભણાવવા માટે, તે માણસને પાણીના ટેન્કરથી ભીંજવી દેવામાં આવ્યો હતો.
વાયરલ વીડિયોમાં અમને સિનેમાર્ક લખેલું બિલ્ડીંગ દેખાયું, જે એક મલ્ટિપ્લેક્સ છે. ગૂગલ મેપ પર સિનેમાર્ક લિમા કીવર્ડ સર્ચ કરતાં, અમને તેનો સ્ટ્રીટ વ્યૂ મળ્યો જેમાં વાયરલ વીડિયોનું સ્થાન જોઈ શકાય છે.
અમે વાયરલ વીડિયોમાં બતાવેલ સ્થળ અને ગૂગલ મેપ્સ પર બતાવેલ સ્થળનું વિશ્લેષણ કર્યું. સ્પષ્ટ છે કે આ વીડિયો પેરૂની રાજધાની લીમાનો છે.
ઇન્દોર સૌથી સ્વચ્છ શહેર છે-
નોંધનીય છે કે દેશભરમાં હાથ ધરાયેલા સ્વચ્છતા સર્વેક્ષણના પરિણામોમાં ઇન્દોર આઠમી વખત દેશનું સૌથી સ્વચ્છ શહેર બન્યું છે. ઇન્દોરને સૌથી સ્વચ્છ શહેર જાહેર કરવામાં આવ્યું ત્યારે કૈલાશ વિજયવર્ગીયને રાષ્ટ્રપતિ દ્રૌપદી મુર્મુ તરફથી આ સન્માન મળ્યું હતું.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોમાં દેખાતું દ્રશ્ય ઇન્દોર શહેરનું નથી પરંતુ દક્ષિણ અમેરિકન દેશ પેરૂની રાજધાની લીમાનું છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:રસ્તાના કિનારે પેશાબ કરી રહેલા માણસ પર ટેન્કરથી પાણી ફેંકતો હોવાનો વીડિયો ઇન્દોરનો નથી… જાણો શું છે સત્ય….
Fact Check By: Frany KariaResult: Misleading
