હેલિકોપ્ટરથી આગ પર પાણીનો છંટકાવ કરવાનો વીડિયો હાલમાં લાગેલી આગનો નથી… જાણો શું છે સત્ય….

આંતરરાષ્ટ્રીય I International સામાજિક I Social

વર્ષની શરૂઆતમાં કેલિફોર્નિયાના લોસ એન્જલ્સમાં ભયંકર આગ લાગી હતી. જેના કારણે કરોડો ડોલરનું નુકસાન થયુ હતુ. આ વચ્ચે ઘણા સાચા-ખોટા વીડિયો સોશિયલ મીડિયામાં વાયરલ થઈ રહ્યા છે. આ વચ્ચે હેલિકોપ્ટરથી આગ પર પાણીનો છંટકાવ કરવાનો એક વીડિયો વાયરલ થઈ રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “હેલિકોપ્ટરથી પાણીનો છંટકાવ કરવાનો આ વીડિયો હાલમાં લાગેલી આગ દરમિયાનનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 14 જાન્યુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હેલિકોપ્ટરથી પાણીનો છંટકાવ કરવાનો આ વીડિયો હાલમાં લાગેલી આગ દરમિયાનનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ધ સિક્રેટ ફાયરફાઇટર યુકે પર આ વીડિયો પ્રાપ્ત થયો હતો. જે 7 નવેમ્બર 2024 ના રોજ અપલોડ કરવામાં આવ્યો હતો, જેમાં એક કેપ્શન આપવામાં આવ્યું હતુ કે, 06 નવેમ્બર 2024 ના રોજ પેપરડાઇન યુનિવર્સિટી નજીક માલિબુમાં આગ પર એરડ્રોપ દર્શાવવામાં આવ્યો હતો. પોસ્ટમાં સંદેશાવ્યવહારના મહત્વ પર ભાર મૂકવામાં આવ્યો હતો, જેમાં ઓપરેશન દરમિયાન એક ફાયર ફાઇટર અણધારી રીતે ભીંજાયેલો દર્શાવવામાં આવ્યો હતો. 

તેમજ વધુ સર્ચ કરતા અમને 07 નવેમ્બર 2024ના રોજ ન્યૂઝ બ્રેક ન્યૂઝ ચેનલ દ્વારા અપલોડ કરાયેલો આ જ વીડિયો પણ પ્રાપ્ત થયો હતો. જેની સાથે માહિતી આપવામાં આવી હતી કે, “પેપરડાઇન યુનિવર્સિટી નજીક માલિબુમાં બ્રોડ ફાયર પર એરડ્રોપ.” 

તેમજ વધુ સર્ચ કરતા અમને ABC News દ્વારા પ્રસારિત અહેવાલ પ્રાપ્ત થયો હતો. જેમાં આ ઘટનાનું લાઇવ રિપોર્ટિગ કરવામાં આવ્યુ હતુ. જે તમે નીચે જોઈ શકો છો. 

તેમજ વધુ પડતાલમાં અમને જાણવા મળ્યુ હતુ કે, પેપરડાઇન યુનિવર્સિટીએ 06 નવેમ્બર 2024 ના રોજ તેના માલિબુ કેમ્પસ નજીક ઝાડીઓમાં આગ લાગવાની કટોકટીની સૂચના પણ જારી કરી હતી. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોમાંના આ દ્રશ્યો 06 નવેમ્બર 2024ના છે. માલિબુ નજીકના બ્રોડ ફાયરના છે. આગ 50 એકરમાં ફેલાઈ ગઈ હતી, અને તેને કાબુમાં લેવા માટે હેલિકોપ્ટર તૈનાત કરવામાં આવ્યા હતા.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)

Avatar

Title:હેલિકોપ્ટરથી આગ પર પાણીનો છંટકાવ કરવાનો વીડિયો હાલમાં લાગેલી આગનો નથી… જાણો શું છે સત્ય….

Written By: Frany Karia 

Result: Missing Context