તાજેતરમાં સોશિયલ મીડિયા પર સમાચારપત્રનો એક ફોટો વાયરલ થઈ રહ્યો છે. જેની સાથે એવો દાવો કરવામાં આવી રહ્યો છે કે, આ ફોટો તાજેતરમાં બનેલી ઘટનાનો છે જેમાં ભાજપની મહિલા નેતા અને યુવા નેતાનો અશ્લીલ વીડિયો વાયરલ થયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં સમાચારપત્રનો જે ફોટો મૂકવામાં આવ્યો છે એ તાજેતરમાં બનેલી ઘટનાનો નહીં પરંતુ વર્ષ 2019માં બનેલી ઘટનાનો છે. આ ફોટોને હાલની પરિસ્થિતિ સાથે કોઈ જ સંબંધ નથી. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે.?
એક ફેસબુક યુઝર દ્વારા 27 મે, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથેના શીર્ષકમાં એવું લખવામાં આવ્યું છે કે, એક જ્યોતિષે આ ખમલગટા પાર્ટી નાં સેક્સ સ્કેન્ડલ વિષે ભવિષ્ય વાણી પહેલાં જ કરેલી જે હવે તબક્કા વાર સામે આવતી જાય છે 😂. ઘોડી પુત્રો. આ લખાણમાં એવો દાવો કરવામાં આવી રહ્યો છે કે, આ ફોટો તાજેતરમાં બનેલી ઘટનાનો છે જેમાં ભાજપની મહિલા નેતા અને યુવા નેતાનો અશ્લીલ વીડિયો વાયરલ થયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા ફોટોને ધ્યાનથી જોયા બાદ અમે ગુગલ રિવર્સ ઈમેજનો સહારો લઈને સર્ચ કરતાં અમને આજ ફોટો સાથેની પોસ્ટ એક ફેસબુક યુઝર દ્વારા 26 જુલાઈ, 2019ના રોજ કરવામાં આવી હોવાની માહિતી પ્રાપ્ત થઈ હતી. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો વાયરલ ફોટો તેમજ તેમાં બનેલી ઘટના તાજેતરની નહીં પરંતુ જૂની છે.
અમારી વધુ તપાસમાં અમને આજ વાયરલ ફોટો સાથેના સમાચાર એક યુટ્યુબ યુઝર દ્વારા 30 જુલાઈ, 2029ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જો કે તેમાં એવું પણ જણાવવામાં આવ્યું છે કે, ભાજપ દ્વારા આ બંને નેતાઓને તાત્કાલિક પક્ષમાંથી હાંકી કાઢવામાં આવ્યા હતા.
અન્ય યુટ્યુબ યુઝર દ્વારા પણ આજ સમાચાર પ્રસારિત કરવામાં આવ્યા હતા. જે તમે અહીં જોઈ શકો છો. Youtube Post 1 | Youtube Post 2
Nedrick News નામના એક સત્તાવાર ટ્વિટર યુઝર દ્વારા પણ આજ માહિતી સાથેની પોસ્ટ 27 જુલાઈ, 2019ના રોજ કરવામાં આવી હતી. જેમાં એવી માહિતી આપવામાં આવી હતી કે, ભાજપા નેતા રીના ઠાકુર અને ઉપેન પંડિતનો અશ્લીલ વીડિયો થયો વાયરલ, ભાજપે બતાવ્યો બહારનો રસ્તો.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં સમાચારપત્રનો જે ફોટો મૂકવામાં આવ્યો છે એ તાજેતરમાં બનેલી ઘટનાનો નહીં પરંતુ વર્ષ 2019માં બનેલી ઘટનાનો છે. આ ફોટોને હાલની પરિસ્થિતિ સાથે કોઈ જ સંબંધ નથી. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:જાણો ભાજપની મહિલા નેતાના વાયરલ વીડિયોના નામે વાયરલ થઈ રહેલા સમાચારપત્રના ફોટોનું શું છે સત્ય…
Fact Check By: Vikas VyasResult: Missing Context
