જાણો ભાપાલમાં બ્લાસ્ટનું પ્લાનિંગ કરતાં પોલીસે પકડેલા આરોપી આદિલ કાઝમીના વાયરલ વીડિયોનું શું છે સત્ય…

તાજેતરમાં સોશિયલ મીડિયા પર પેલીસ દ્વારા પકડવામાં આવેલા એક યુવકનો વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, આ વીડિયો તાજેતરમાં ભોપાલમાં બ્લાસ્ટનું પ્લાનિંગ કરતાં પોલીસે પકડેલા આરોપી આદિલ કાઝમીનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટ સાથે શેર કરવામાં આવેલો વીડિયો કોઈ વાસ્તવિક ઘટનાનો નહીં પરંતુ એક તેલુગુ હોરર ફિલ્મ Tappinchukoleruના એક દ્રશ્યનો છે. આ વીડિયોને વાસ્તવિક પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા માટે વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયાલ મીડિયા યુઝર દ્વારા 4 ડિસેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખ્યું હતું કે, ભોપાલમાં બ્લા*સ્ટ કરવાનો પ્લાન બનાવી રહેલ આદિલ કાઝમી ને પોલીસે કરી ધરપકડ. આ પોસ્ટ સાથેના લખાણમાં એવો દાવો કરવામાં આવી રહ્યો છે કે, આ વીડિયો તાજેતરમાં ભોપાલમાં બ્લાસ્ટનું પ્લાનિંગ કરતાં પોલીસે પકડેલા આરોપી આદિલ કાઝમીનો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે ગૂગલનો સહારો લઈને જુદા-જુદા કીવર્ડથી સર્ચ કરતાં અમને ક્યાંય પણ આવી કોઈ ઘટના ભોપાલમાં બની હોય એવી કોઈ જ માહિતી કે સમાચાર પ્રાપ્ત થયા ન હતા.

ત્યાર બાદ અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈ ગૂગલ રિવર્સ ઈમેજનો સહારો લઈ સર્ચ કરતાં પોસ્ટમાં મૂકવામાં આવેલો આ જ વીડિયો 3 ડિસેમ્બર, 2025ના રોજ આદિલ મોટર સ્પોર્ટ્સ નામની એક યુટ્યુબ ચેનલ પર અપલોડ કરવામાં આવ્યો હોવાની માહિતી પ્રાપ્ત થઈ હતી. આ વીડિયો સાથે આગળ પાર્ટ 2 અને હેશટેગમાં #Movie લખેલું હોવાથી મને શંકા થી હતી કે કદાચ આ વીડિયો કોઈ ફિલ્મના શૂટિંગનો હોઈ શકે છે.

આ જ દ્રશ્યનો વધુ એક વીડિયો ઉપરોક્ત ચેનલ પર 28 નવેમ્બર, 2025ના રોજ અપલોડ કરવામાં આવ્યો હતો. જેમાં પણ #movie લખેલું હતું. જે તમે અહીં જોઈ શકો છો. 

ઉપરોક્ત વીડિયોના કેપ્શનમાં અમને syed Adil kazmi લખેલું જોવા મળ્યું હતું. આ નામને અમે ફેસબુક પર સર્ચ કરતાં અમને આ જ નામની એક પ્રોફાઈલ પ્રાપ્ત થઈ હતી. જેમાં આ વ્યક્તિનો મોબાઈલ નંબર પણ આપવામાં આવ્યો હતો.

અમારી વધુ તપાસમાં અમે આ નંબર પર સંપર્ક કરતાં સૈયદ આદિલ કાઝમીએ અમને જણાવ્યું હતું કે, “હું એક એક્ટર અને સ્ટંટમેન છું. આ વીડિયો કોઈ વાસ્તવિક ઘટનાનો નહીં પરંતુ એક તેલુગુ હોરર ફિલ્મ Tappinchukoleruના દ્રશ્યનો છે. મેં આ અંગે સાયબર ક્રાઈમમાં ફરિયાદ પણ કરી છે. જેનો એક સ્ક્રીનશોટ પણ અમને મોકલ્યો હતો.” 

અમારી વધુ તપાસમાં અમને તેલુગુ હોરર ફિલ્મ Tappinchukoleruનો સંપૂર્ણ વીડિયો તેલુગુ ફિલ્મનગર નામની એક યુટ્યુબ ચેનલ પર પ્રાપ્ત થયો હતો. જેમાં તમે 2:00:20 મિનિટે વાયરલ વીડિયોનું દ્રશ્ય જોઈ શકો છો.

ઉપોરોક્ત સંશોધન પરથી એ સ્પષ્ટ સાબિત થાય છે કે, વાયરલ વીડિયો કોઈ વાસ્તવિક ઘટનાનો નહીં પરંતુ એક ફિલ્મના દ્રશ્યનો છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટ સાથે શેર કરવામાં આવેલો વીડિયો કોઈ વાસ્તવિક ઘટનાનો નહીં પરંતુ એક તેલુગુ હોરર ફિલ્મ Tappinchukoleruના એક દ્રશ્યનો છે. આ વીડિયોને વાસ્તવિક પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા માટે વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)