જાણો રેલવે ટ્રેકને નુકશાન પહોંચાડી રહેલા મુસ્લિમ બાળકોના વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર રેલવે ટ્રેકને નુકશાન પહોંચાડી રહેલા બાળકોનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, રેલવે ટ્રેકને નુકશાન પહોંચાડી રહેલા મુસ્લિમ બાળકોનો આ વીડિયો ભારતનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં રેલવે ટ્રેકને નુકશાન પહોંચાડી રહેલા બાળકોનો જે વીડિયો મૂકવામાં આવ્યો છે એ ભારતનો નહીં પરંતુ પાકિસ્તાનમાં બનેલી ઘટનાનો છે. આ વીડિયોને ભારત સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 30 ઓગષ્ટ, 2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, રેલ જેહાદ! હજું કેટલા પુરાવા જોઈશે? ત્વરિત કઈંક વિચારો નહીં તો આ બાંડાઓ આપણા ઘરનાં નળ પણ કાઢી જશે. આ વીડિયો સાથેના લખાણમાં એવો દાવો કરવામાં આવી રહ્યો છે કે, રેલવે ટ્રેકને નુકશાન પહોંચાડી રહેલા મુસ્લિમ બાળકોનો આ વીડિયો ભારતનો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ એક સ્ક્રીનશોટ લઈને ગુગલ રિવર્સ ઈમેજના માધ્યમથી સર્ચ કરતાં અમને પોસ્ટમાં મૂકવામાં આવેલો આજ વીડિયો Pakistani Trains નામના ફેસબુક એકાઉન્ટ 5 ડિસેમ્બર, 2023ના રોજ અપલોડ કરવામાં આવ્યો હતો. પોસ્ટમાં જણાવવામાં આવ્યું હતું કે, આ ઘટના પાકિસ્તાનના કરાચીમાં બોટ બેસિન પોલીસ સ્ટેશન નજીક સરતાજ ખાન ફાટક રેલવે લાઇન પર બની હતી.

અમારી વધુ તપાસમાં અમને પાકિસ્તાનના કરાચી સાઉથ ઝોન પોલીસ મીડિયા સેલ દ્વારા 5 ડિસેમ્બર, 2023ના રોજ કરવામાં આવેલી એક ફેસબુક પોસ્ટ પર પ્રાપ્ત થઈ હતી. જેમાં ઉર્દૂમાં એવું લખેલું હતું કે, બોટ બેસિન ચોકી પાસે, સરતાજ ખાન ફાટક રેલ્વે લાઇન પરથી ટ્રેક નટ બોલ્ટની ચોરીના કેસ અંગે અહેવાલ આપે છે. પોસ્ટમાં વધુમાં જણાવાયું છે કે, “ડીઆઈજી સાઉથના નિર્દેશ હેઠળ એસએચઓ બોટ બેસને કાર્યવાહી કરી અને રેલ્વે ફાટક પરથી સામાનની ચોરી કરનારા કિશોરોને પોલીસ સ્ટેશનમાં લાવ્યા. જેમને બાળકોના અપહરણ વિશે ચેતવણી આપવામાં આવી છે તેઓએ તેમના બાળકો પર નજર રાખવી જોઈએ અને તેમની અસામાન્ય દૈનિક પ્રવૃત્તિઓ પર નજીકથી નજર રાખવી જોઈએ. માતા-પિતાની ખાતરી બાદ બાળકોને તેમના માતા-પિતાને સોંપવામાં આવ્યા હતા.”

Archive

સપ્ટેમ્બર 2022 માં પાકિસ્તાની મીડિયા આઉટલેટ એક્સપ્રેસ ટ્રિબ્યુન દ્વારા પ્રકાશિત અહેવાલ મુજબ, પાકિસ્તાનના સિંધ અને બલૂચિસ્તાન પ્રાંતમાં રેલવે સાધનોની ચોરીની અસંખ્ય ઘટનાઓ બની છે. રેલવે અધિકારીઓએ જણાવ્યું કે, 2018થી અત્યાર સુધીમાં 88.581 મિલિયન રૂપિયાની પાકિસ્તાની સંપત્તિની ચોરી થઈ છે, જેમાં રેલવે ટ્રેક, ફિશ પ્લેટ, સળિયા અને હીટિંગ બોલ્ટનો સમાવેશ થાય છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો હોવાનું સાબિત થાય છે કારણ કે, પોસ્ટમાં રેલવે ટ્રેકને નુકશાન પહોંચાડી રહેલા બાળકોનો જે વીડિયો મૂકવામાં આવ્યો છે એ ભારતનો નહીં પરંતુ પાકિસ્તાનમાં બનેલી ઘટનાનો છે. આ વીડિયોને ભારત સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)