તાજેતરમાં સોશિયલ મીડિયા પર વડાપ્રધાન નરેન્દ્ર મોદીના વિરોધ પ્રદર્શનનો એક વીડિયો વાયરલ થઈ રહ્યા છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, આ વીડિયો તાજેતરમાં વડાપ્રધાન નરેન્દ્ર મોદીના વિરોધમાં વોટ ચોર, ગદ્દી છોડના અનુસંધાનમાં નીકાળવમાં આવેલી રેલીનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટી અને અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં વડાપ્રધાન નરેન્દ્ર મોદીના વિરોધની રેલીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2024માં કેનેડાના ટોરેન્ટો શહેર ખાતે વડાપ્રધાન નરેન્દ્ર મોદીના વિરોધમાં નીકાળવામાં આવેલી રેલીનો જૂનો વીડિયો છે જેને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે…?
એક સોશિયલ મીડિયા યુઝર દ્વારા 17 નવેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, રેલી ની હુ કડી નીંદા કરુહુ. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, આ વીડિયો તાજેતરમાં વડાપ્રધાન નરેન્દ્ર મોદીના વિરોધમાં વોટ ચોર, ગદ્દી છોડના અનુસંધાનમાં નીકાળવમાં આવેલી રેલીનો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈ ગૂગલ રિવર્સ ઈમેજ દ્વારા સર્ચ કરતાં પોસ્ટમાં મૂકવામાં આવેલો આ જ વીડિયો એક યુટ્યુબ યુઝર દ્વારા 6 મે, 2024ના રોજ અપલોડ કરવામાં આવ્યો હતો. જેના પરથી એ સ્પષ્ટ સાબિત થાય છે કે, આ પોસ્ટમાં મૂકવામાં આવેલો વીડિયો વર્ષ 2024નો છે.
આ જ વીડિયોને ધ્યનથી જોતાં અમને ગાડી પરના લખાણ પરથી એ માલૂમ પડ્યું હતું કે, આ વીડિયો કેનેડાના વાનકુવરનો 18 જૂન, 2024નો છે.
અમારી વધુ તપાસમાં અમને વીડિયોમાં દેખાતા આ જ દ્રશ્ય સાથેનો એક સમાચાર અહેવાલ theprint.in દ્વારા પ્રકાશિત કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, કેનેડામાં શીખ સમુદાયના લોકો દ્વારા ભારતના વડાપ્રધાન નરેન્દ્ર મોદીના પૂતળાને બંધી બનાવીને વિરોધ પ્રદર્શન કરવામાં આવ્યું હતું.
આ જ માહિતી સાથેના અમને અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. malayalam.indiatoday.in | moneycontrol.com
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં વડાપ્રધાન નરેન્દ્ર મોદીના વિરોધની રેલીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2024માં કેનેડાના ટોરેન્ટો શહેર ખાતે વડાપ્રધાન નરેન્દ્ર મોદીના વિરોધમાં નીકાળવામાં આવેલી રેલીનો જૂનો વીડિયો છે જેને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:જાણો તાજેતરમાં વડાપ્રધાન નરેન્દ્ર મોદીના વિરોધમાં નીકળેલી રેલીના નામે વાયરલ વીડિયોનું શું છે સત્ય….
Fact Check By: Vikas VyasResult: Missing Context
