જાણો બિહારના મુખ્યમંત્રી નીતિશ કુમારને યુવકે થપ્પડ મારી હોવાના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર બિહારના મુખ્યમંત્રી નીતિશ કુમાર પર હુમલો કરી રહેલા યુવકનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં બિહારના મુખ્યમંત્રી નીતિશ કુમારને એક યુવકે જોરથી થપ્પડ મારી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં બિહારના મુખ્યમંત્રી નીતિશ કુમાર પર હુમલો કરી રહેલા યુવકનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2022માં બનેલી ઘટનાનો છે. આ વીડિયોને તાજેતરની પરિસ્થિતિ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયો ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 4 એપ્રિલ, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, નીતીશ કુમાર ને એક યુવકે જોરદાર થપ્પડ ઝીકી એની ઓકાદ બતાવી દીધી છે, હજુ પાંચ વર્ષ પૂરા થવા દો પેલા ઝોલા વાળાને પણ ભાગતા નહીં આવડે.🤣🤣🤣. આ લખાણમાં એવો દાવો કરવામાં આવી રહ્યો છે કે, તાજેતરમાં બિહારના મુક્યમંત્રી નીતિશ કુમારને એખ યુવકે જોરથી થપ્પડ મારી તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ વીડિયોનો એક સ્ક્રીનશોટ લઈને ગુગલ રિવર્સ ઈમેજનો સહારો લઈને સર્ચ કરતાં અમને 27 માર્ચ, 2025ના રોજ NDTVની સત્તાવાર યુટ્યુબ ચેનલ પર અપલોડ કરાયેલ એક વીડિયો રિપોર્ટ મળ્યો. વાયરલ ક્લિપ ત્યાં જોઈ શકાય છે. આ સમાચાર સાથે આપેલી માહિતી મુજબ, બિહારના મુખ્યમંત્રી નીતિશ કુમાર પર 27 માર્ચ, 2022ના રોજ તેમના વતન બખ્તિયારપુરમાં એક વ્યક્તિ દ્વારા હુમલો કરવામાં આવ્યો હતો. CCTV કેમેરામાં કેદ થયેલા આ વ્યક્તિની ધરપકડ કરવામાં આવી હતી.

આજ વીડિયો ૨૮ માર્ચ, ૨૦૨૨ના રોજ હિન્દુસ્તાન ટાઈમ્સના ઓફિશિયલ યુટ્યુબ પર અપલોડ કરવામાં આવ્યો હતો. જેમાં આપેલી માહિતી મુજબ, નીતિશ કુમાર પર હુમલો કરનાર વ્યક્તિની ઓળખ શંકર કુમાર વર્મા તરીકે થઈ છે. પ્રારંભિક તપાસમાં જાણવા મળ્યું છે કે, તે ‘માનસિક રીતે અસ્થિર’ વ્યક્તિ હતો. નીતિશ કુમારે તેમના અધિકારીઓને તેમની સામે કોઈ કાર્યવાહી ન કરવા નિર્દેશ આપ્યો હતો.

આજ વીડિયો ANI દ્વારા તેના સત્તાવાર ટ્વિટર પર 27 માર્ચ, 2022ના રોજ અફલોડ કરવામાં આવ્યો હતો. જેની સાથે એવી માહિતી આપવામાં આવી હતી કે, બિહારના બખ્તિયારપુરમાં એક કાર્યક્રમ દરમિયાન એક યુવકે મુખ્યમંત્રી નીતિશ કુમાર પર હુમલો કરવાનો પ્રયાસ કર્યો હતો. બાદમાં પોલીસે આરોપીની અટકાયત કરી હતી.

Bihar | A youth tried to attack CM Nitish Kumar during a program in Bakhtiarpur. The accused was later detained by the Police.

(Viral video) pic.twitter.com/FoTMR3Xq8o

— ANI (@ANI) March 27, 2022

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટી માહિતી સાથેનો હોવાનું સાબિત થાય છે કારણ કે, પોસ્ટમાં બિહારના મુખ્યમંત્રી નીતિશ કુમાર પર હુમલો કરી રહેલા યુવકનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2022માં બનેલી ઘટનાનો છે. આ વીડિયોને તાજેતરની પરિસ્થિતિ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયો ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)