તાજેતરમાં સોશિયલ મીડિયા પર ભારતે પાકિસ્તાન પર કરેલા ‘ઓપરેશન સિંદૂર’ના એર સ્ટ્રાઈકના હુમલાના નામે એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાન પર કરેલા ‘ઓપરેશન સિંદૂર’ના એર સ્ટ્રાઈક હુમલાનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભારતે પાકિસ્તાન પર કરેલા ‘ઓપરેશન સિંદૂર’ના એર સ્ટ્રાઈક હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2023થી ઈન્ટરનેટ પર ઉપલબ્ધ છે. આ વીડિયોને હાલની પરિસ્થિતિ કે ‘ઓપરેશન સિંદૂર’ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે.?
એક ફેસબુક યુઝર દ્વારા 7 મે, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, ઓપરેશન સિંદૂર ભારતની એર સ્ટ્રાઇક.. પાકિસ્તાનમાં ઘૂસીને નવ મિસાઈલ હુમલા કરી ભારતે આપ્યો જડબાતોડ જવાબ…… આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાન પર કરેલા ‘ઓપરેશન સિંદૂર’ના એર સ્ટ્રાઈક હુમલાનો આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને એક સત્તાવાર ટ્વિટર યુઝર દ્વારા પોસ્ટમાં મૂકવામાં આવેલા આજ વીડિયો સાથેની ટ્વિટર પોસ્ટ 23 ઓક્ટોબર, 2023ના રોજનું એક કરવામાં આવી હોવાની માહિતી પ્રાપ્ત થઈ હતી. આ ટ્વિટમાં લખ્યું હતું કે, “આજે રાત્રે, ગાઝામાં 7 ઓક્ટોબર પછીનો સૌથી આક્રમક બોમ્બમારો જોવા મળ્યો, જેમાં એક કલાકમાં ડઝનેક લોકો માર્યા ગયા. ઇઝરાયલે જમીન પર આક્રમણ કરતા પહેલા ઘેરવામાં આવેલા પ્રદેશ પર તેના હુમલાઓને વધુ તીવ્ર બનાવવાની તેની યોજનાઓ સ્પષ્ટ કરી દીધી છે.” જેના પરથી સ્પષ્ટ થાય છે કે, વાયરલ વીડિયો ઓપરેશન સિંદૂર હુમલા પહેલાંનો છે.
અમારી વધુ તપાસમાં અમને 23 ઓક્ટોબર, 2023 ના રોજ પ્રકાશિત થયેલ એક રિપોર્ટ મળ્યો જેમાં વાયરલ વીડિયોના સ્ક્રીનશોટ જેવી જ છબી હતી. રિપોર્ટ અનુસાર, ઇઝરાયલ ઓક્ટોબર 2023માં ગાઝા પટ્ટી પર હવાઈ હુમલા શરૂ કરશે.
વધુમાં અમને 13 ઓક્ટોબર, 2023ના રોજ એક યુટ્યુબ ચેનલ પર અપલોડ કરાયેલો આ જ વીડિયો મળ્યો. જેમાં અરબી કેપ્શનમાં એવું લખ્યું હતું કે, “રાત્રે ગાઝા પર ભારે બોમ્બમારો કરવામાં આવ્યો હતો”.
Embed –
આવા જ અન્ય વીડિયો અમને પ્રાપ્ત થયા હતા જે તમે અહીં અને અહીં જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભારતે પાકિસ્તાન પર કરેલા ‘ઓપરેશન સિંદૂર’ના એર સ્ટ્રાઈક હુમલાનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2023થી ઈન્ટરનેટ પર ઉપલબ્ધ છે. આ વીડિયોને હાલની પરિસ્થિતિ કે ‘ઓપરેશન સિંદૂર’ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:જાણો તાજેતરમાં ભારતે પાકિસ્તાન વિરુદ્ધ કરેલા ‘ઓપરેશન સિંદૂર’ના નામે વાયરલ થઈ રહેલા એર સ્ટ્રાઈકના વીડિયોનું શું છે સત્ય…
Written By: Vikas VyasResult: False
