તાજેતરમાં સોશિયલ મીડિયા પર ભયાનક વિસ્ફોટના બે વીડિયો વાયરલ થઈ રહ્યા છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં પાકિસ્તાન દ્વારા કાબુલ પર કરવામાં આવેલી એર સ્ટ્રાઈકના આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં જે બે વીડિયો મૂકવામાં આવ્યા છે એ બંને વીડિયો જૂના છે. આબંના વીડિયોને હાલની પરિસ્થિતિ કે પાકિસ્તાન-અફઘાનિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે…?
એક સોશિયલ મીડિયા યુઝર દ્વારા 10 ઓક્ટોબર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, અફઘાનિસ્તાનના કાબુલમાં પાકિસ્તાને એરસ્ટ્રાઇક કરી છે, કાબુલમાં થયેલા જોરદાર વિસ્ફોટો બાદ પાકિસ્તાની મીડિયાએ દાવો કર્યો કે વાયુસેનાએ TTPના વડા મુફ્તી નૂર વલી મહેસુદને મોતને ઘાટ ઉતાર્યો છે, બીજી બાજુ અફઘાન સરકારનું કહેવું છે કે પરિસ્થિતિ નિયંત્રણમાં છે.. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં પાકિસ્તાન દ્વારા કાબુલ પર કરવામાં આવેલી એર સ્ટ્રાઈકના આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા પ્રથમ વીડિયોનો એક સ્ક્રીનશોટ લઈને ગુગલ રિવર્સ ઈમજથી સર્ચ કરતાં અમને આ જ વીડિયો સાથેના સમાચાર એક એરેબિક ન્યૂઝ ચેનલ દ્વારા 23 ઓક્ટોબર, 2023ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, આ વીડિયો ઈઝરાયેલ દ્વારા ગાઝા પટ્ટીના 750 ઠેકાણા પર કરવામાં આવેલી એર સ્ટ્રાઈકનો છે. જેના પરથી એ સ્પષ્ટ સાબિત થાય છે કે, આ વીડિયો તાજેતરનો નહીં પરંતુ વર્ષ 2023નો છે.
અમારી વધુ તપાસમાં અમને આ જ વીડિયો અને માહિતી સાથેની પોસ્ટ મોસ્કો ન્યૂઝ દ્વારા પણ 23 ઓક્ટોબર, 2023ના રોજ કરવામાં આ હોવાની માહિતી પ્રાપ્ત થઈ હતી.
ત્યાર બાદ અમે અમે પોસ્ટમાં મૂકવામાં આવેલા બીજા વીડિયોનો એક સ્ક્રીનશોટ લઈને ગુગલ રિવર્સ ઈમજથી સર્ચ કરતાં અમને આ જ વીડિયો સાથેના સમાચાર ગાર્ડિયન ન્યૂઝ દ્વારા 28 ડિસેમ્બર, 2021ના રોજ પ્રસારિત કરવામાં આવ્યા હતા. જેમાં એવી માહિતી આપવામાં આવી હતી કે, ઈઝરાયેલ દ્વારા સિરીયા પર હુમલો કરવામાં આવ્યો તેનો આ વીડિયો છે.
ઉપરોક્ત સંશોધન પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલા બંને વીડિયો જૂના છે.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ભ્રામક હોવાનું સાબિત થાય છે કારણ કે, પોસ્ટમાં જે બે વીડિયો મૂકવામાં આવ્યા છે એ બંને વીડિયો જૂના છે. આબંના વીડિયોને હાલની પરિસ્થિતિ કે પાકિસ્તાન-અફઘાનિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:જાણો પાકિસ્તાને કાબુલ પર કરેલી એર સ્ટ્રાઈકના નામે વાયરલ થઈ રહેલા વીડિયોનું શું છે સત્ય….
Fact Check By: Missing ContextResult: False
