જાણો તાજેતરમાં પશ્ચિમ બંગાળમાં SIR લાગુ થવાના નામે વાયરલ વીડિયોનું શું છે સત્ય….

તાજેતરમાં સોશિયલ મીડિયા પર લોકોની ભીડના બે વીડિયો વાયરલ થઈ રહ્યા છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, આ વીડિયો તાજેતરમાં પશ્ચિમ બંગાળમાં SIR લાગુ થતાં સર્જાયેલી પરિસ્થિતિના છે. પરંતુ ફેક્ટ ક્રેસેન્ડોની પડતાલમાં આ દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં લોકોની ભીડના જે બે વીડિયો જે વીડિયો મૂકવામાં આવ્યા છે એ એમાંથી એક વીડિયો બાંગ્લાદેશનો જૂનો વીડિયો છે જેને SIR સાથે કોઈ જ સંબંધ નથી જ્યારે બીજો વીડિયો તાજેતરનો છે. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે…?

એક સોશિયલ મીડિયા યુઝર દ્વારા 13 નવેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, પશ્ચિમ બંગાળ છે… બાંગ્લાદેશ તક હેરા ફેરી. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, આ વીડિયો તાજેતરમાં પશ્ચિમ બંગાળમાં SIR લાગુ થતાં સર્જાયેલી પરિસ્થિતિના છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા પ્રથમ વીડિયોનો એક સ્ક્રીનશોટ લઈ ગૂગલ રિવર્સ ઈમેજ દ્વારા સર્ચ કરતાં અમને પોસ્ટમાં મૂકવામાં આવેલો આ જ પુલના વીડિયો સાથેની એક ફેસબુક પોસ્ટ પ્રાપ્ત થી હતી. જેમાં એવી માહિતી આપવામાં આવી હતી કે, આ વીડિયો બારતનો નહીં પરંતુ બાંગ્લાદેશનો છે.

https://www.facebook.com/reel/2797943577075812

ઉપરોક્ત પોસ્ટ મુજબ આ વીડિયો બાંગ્લાદેશના મોંગલામાં એક ફેરી ટર્મિનલની છે. અમને મોંગલાના ફેરી ટર્મિનલના ઘણા સમાન વીડિયો મળ્યા છે. તમે નીચે જોઈ શકો છો કે, આ ટર્મિનલનો એક વીડિયો નવેમ્બર 2024માં ફેસબુક પર અપલોડ કરવામાં આવ્યો હતો.

એક બાંગ્લાદેશી વ્લોગરે આ સ્થળનો વીડિયો બ્લોગ યુટ્યુબ પર પોસ્ટ કર્યો છે. તમે નીચે આ પુલનો વીડિયો જોઈ શકો છો. મોંગલા એ બાંગ્લાદેશના ખુલના વિભાગમાં બાગેરહાટ જિલ્લાનો એક ઉપજિલ્લો છે.

નીચે આપેલી સરખામણીમાં લાલ વર્તુળમાં દેખાતો પર્વત બ્લોગ વીડિયોમાંથી છે. વાયરલ વીડિયોમાં પણ સ્પષ્ટપણે એ જ પર્વત દેખાય છે. પરિણામે, એ સ્પષ્ટ થાય છે કે, બ્લોગ વીડિયો અને વાયરલ વીડિયો બંનેમાં દર્શાવેલ સ્થાન એક જ છે.

ત્યાર બાદ અમે પોસ્ટમાં મૂકવામાં આવેલા બીજા વીડિયોને ગૂગલ રિવર્સ ઈમેજનો સહારો લઈને સર્ચ કરતાં અમને આ જ વીડિયો સાથેના સમાચાર રિપોર્ટ રાજસ્થાન નામની એક સમાચાર ચેનલના ઈન્સ્ટાગ્રામ પેજ પર 21 નવેમ્બર, 2025ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, પશ્ચિમ બંગાળમાં SIR લાગુ થતાં ભારત-બાંગ્લાદેશ બોર્ડર પર સર્જાયેલી પરિસ્થિતિનો આ વીડિયો છે.

અન્ય એક ઈન્સ્ટાગ્રામ યુઝર તેમજ એક ટ્વિટર યુઝર દ્વારા પણ આ જ વીડિયો અને માહિતી સાથેની પોસ્ટ કરવામાં આવી હતી. Instagram Post | Twitter Post

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં લોકોની ભીડના જે બે વીડિયો જે વીડિયો મૂકવામાં આવ્યા છે એ એમાંથી એક વીડિયો બાંગ્લાદેશનો જૂનો વીડિયો છે જેને SIR સાથે કોઈ જ સંબંધ નથી જ્યારે બીજો વીડિયો તાજેતરનો છે. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)