જાણો તાજેતરમાં મ્યાનમારમાં આવેલા ભૂકંપના નામે વાયરલ થઈ રહેલા ફોટોનું શું છે સત્ય…

તાજેતરમાં સોશિયલ મીડિયા પર એક નાના બાળકના ફોટા વાયરલ થઈ રહ્યા છે જેની સાથે એવો દાવો કરવામાં આવી રહ્યો છે કે, તાજેતરમાં મ્યાનમારમાં આવેલા ભૂકંપમાં કાટમાળ નીચે દબાયેલા જીવતા બાળકના આ ફોટા છે. પરંતુ ફેક્ટ ક્રેસેન્ડોની પડતાલમાં આ દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં નાના બાળકના જે ફોટા મૂકવામાં આવ્યા છે એ તાજેતરના નહીં પરંતુ વર્ષ 2024થી સોશિયલ મીડિયા પર ઉપલબ્ધ છે. આ ફોટાને હાલની પરિસ્થિતિ કે મ્યાનમારમાં આવેલા ભૂકંપ સાથે કોઈ જ સંબંધ નથી. આ ફોટા સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યા છે.

શું દાવો કરવામાં આવી રહ્યો છે.?

એક સોશિયાલ મીડિયા યુઝર દ્વારા 8 ડિસેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથે શીર્ષકમાં એવું લખવામાં આવ્યું હતું કે, મ્યાનમારમાં આવેલા ભૂકંપ બાદ કાટમાળ નીચે એક માસૂમ બાળક ફસાઈ ગયું હતું.

શરૂઆતમાં, તેણે પોતાનો નાનો હાથ લંબાવીને તેની માતાને બોલાવવાનો પ્રયાસ કર્યો – અને આજે તેની હિંમત અને નિર્દોષ સ્મિતે આખી દુનિયાના દિલ જીતી લીધા છે. આ ફોટો સાથેના લખાણમાં એવો દાવો કરવામાં આવી રહ્યો છે કે, તાજેતરમાં મ્યાનમારમાં આવેલા ભૂકંપમાં કાટમાળ નીચે દબાયેલા જીવતા બાળકના આ ફોટા છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા ફોટોને ગૂગલ રિવર્સ ઈમેજથી સર્ચ કરતાં અમને પોસ્ટમાં મૂકવામાં આવેલા આ જ ફોટો સાથેની વીડિયો પોસ્ટ એક સત્તાવાર ટ્વિટર યુઝર દ્વારા 27 ઓક્ટોબર, 2024ના રોજ કરવામાં આવી હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, કાટમાળ નીચે ફસાયેલ એક પેલેસ્ટિનિયન બાળક મદદની રાહ જોઈ રહ્યું છે. કેટલું હૃદયદ્રાવક દ્રશ્ય છે. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલા ફોટા તાજેતરમાં મ્યાનમારમાં આવેલા ભૂકંપના નહીં પરંતુ વર્ષ 2024માં બનેલી ઘટનાના છે.

A Palestinian child trapped under the rubble awaits help.

What a heartbreaking scene. pic.twitter.com/AIYLItRzPI

— The Palestinian (@InsiderWorld_1) October 26, 2024

વધુમાં અમને આ જ વીડિયો એક સામાન્ય પ્રકારનો હોવાની જાણ કરતો વધુ એક વીડિયો એક બીજા સત્તાવાર ટ્વિટર યુઝર દ્વારા 28 ઓક્ટોબર, 2024ના રોજ અપલોડ કરવામાં આવ્યો હતો.

This doesn't showcase a Palestinian child trapped under rubble.

More videos, uploaded by the same person showcase the girl was not under rubble but looking through a hole in the wall. Additionally, nothing on the account indicates the origin of the mother and child.

Example: https://t.co/UoWrlNBLG6 pic.twitter.com/K8AuzH2MkA

— Tal Hagin (@talhagin) October 28, 2024

જ્યારે અન્ય એક ઘાયલ બાળકના ફોટોને ગૂગલ રિવર્સ ઈમેજનો સહારો લઈને સર્ચ કરતાં અમને આ જ ફોટો સાથેના 25 ઓક્ટોબર, 2024ના રોજ પ્રસારિત કરવામાં આવેલા અરબી ભાષાના સમાચાર પ્રાપ્ત થયા હતા. જેમાં એવી માહિતી આપવામાં આવી હતી કે, ઇઝરાયલી સેનાએ બાલબેકની પૂર્વમાં આવેલા અલ-ખાદર શહેરને નિશાન બનાવ્યું, જેમાં 7 લોકોના મોત થયા અને 19 લોકો ઘાયલ થયા. ઘાયલોને સારવાર માટે ડૌરિસની દાર અલ-અમાલ યુનિવર્સિટી હોસ્પિટલમાં ખસેડવામાં આવ્યા, જ્યારે એક બાળકીનું ઘર નાશ પામ્યા બાદ બચી ગઈ.

આ જ ફોટો અને માહિતી સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. aljadeed.tv | akhbar-rooz.com

ઉપરોક્ત સંશોધન પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલા તમામ ફોટો વર્ષ 2024ના છે જેને તાજેતરમાં મ્યાનમારમાં આવેલા ભૂકંપ સાથે કોઈ જ સંબંધ નથી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં નાના બાળકના જે ફોટા મૂકવામાં આવ્યા છે એ તાજેતરના નહીં પરંતુ વર્ષ 2024થી સોશિયલ મીડિયા પર ઉપલબ્ધ છે. આ ફોટાને હાલની પરિસ્થિતિ કે મ્યાનમારમાં આવેલા ભૂકંપ સાથે કોઈ જ સંબંધ નથી. આ ફોટા સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યા છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)