જાણો સ્ટાર ટ્રેક ટ્યુશન ક્લાસિસના નામે વાયરલ થઈ રહેલા પ્લેમ્ફ્લેટની માહિતીનું શું છે સત્ય…

તાજેતરમાં સોશિયલ મીડિયા પર સુરતના સ્ટાર ટ્રેક ટ્યુશન ક્લાસિસના પ્લેમ્ફ્લેટનો એક ફોટો વાયરલ થઈ રહ્યો છે. જેની સાથે એવો દાવો કરવામાં આવી રહ્યો છે કે, મુસ્લિમ ટ્યુશન ક્લાસિસના શિક્ષક દ્વારા હિંદુ સમાજ અને હિંદુ સંગઠનો વિરુદ્ધ પ્લેમ્પ્લેટ બહાર પાડવામાં આવ્યા છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં સુરતના સ્ટાર ટ્રેક ટ્યુશન ક્લાસિસના પ્લેમ્ફ્લેટ જે ફોટો મૂકવામાં આવ્યો છે એ અને એમાં જે માહિતી આપવામાં આવી છે એ એખ સસરા દ્વારા તેના જમાઈને બદનામ કરવા રચવામાં આવેલા કાવતરાનો એક ભાગ હતો. જેમાં આરોપી સસરાની પોલીસ દ્વારા ધરપકડ કરવામાં આવી છે. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 16 નવેમ્બર, 2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટોના શીર્ષકમાં એવું લખવામાં આવ્યું છે કે, જુઓ આ લોકો ની હિન્દુ સમાજ અને હિન્દુ સમાજ ના સંગઠનો પ્રત્યે ની માનસિકતા ભાઈચારા 🤮🤮. આ ફોટો સાથેના લખાણમાં એવો દાવો કરવામાં આવી રહ્યો છે કે, મુસ્લિમ ટ્યુશન ક્લાસિસના શિક્ષક દ્વારા હિંદુ સમાજ અને હિંદુ સંગઠનો વિરુદ્ધ પ્લેમ્પ્લેટ બહાર પાડવામાં આવ્યા છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા ફોટોને ધ્યાનથી જોયા બાદ ગુગલ રિવર્સ ઈમેજનો સહારો લઈને સર્ચ કરતાં પોસ્ટમાં મૂકવામાં આવેલા આજ ફોટો સાથેના સમાચાર દિવ્યભાસ્કર નામની વેબસાઈટ પર 16 નવેમ્બર, 2024 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, કોમી વૈમનસ્ય ફેલાય તેવા લખાણ સાથે જમાઈના ટ્યુશન ક્લાસના નામના પેમ્પલેટ છપાવ્યા, આરોપી સસરો છે સરકારી શિક્ષક.

વધુમાં એવી માહિતી આપવામાં આવી હતી કે, સુરત શહેરના લિંબાયત વિસ્તારમાં એક વ્યક્તિ પોતાની જ દિકરીનું ઘર તોડવા કારસા રચતા પકડાયા છે. સુલેમાન નામના વ્યક્તિએ પોતાના જ જમાઈના નામે ધાર્મિક લાગણી દુભાવતી પત્રિકાઓ વાયરલ કરીને તેને ફસાવવાનો પ્રયાસ કર્યો. પત્રિકામાં હિન્દુ સંગઠન વિરોધી વાતોનો ઉલ્લેખ કરીને સોશિયલ મીડિયામાં વાયરલ કરી હિન્દુ સંગઠનોને પણ મોકલી. જેથી શિક્ષક જમાઈ ફસાય અને જેલના સળિયા પાછળ ધકેલાઈ જાય. જોકે આ સમગ્ર ષડયંત્રનો પર્દાફાશ થતા પોલીસે આરોપી સસરાની ધરપકડ કરી છે.

આજ ફોટો સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. zeenews.com | gujarati.news18.com | gujaratsamachar.com

ઉપરોક્ત આજ સમાચાર મંતવ્ય ન્યૂઝ દ્વારા 16 નવેમ્બર, 2024 ના રોજ પ્રસારિત કરવામાં આવ્યા હતા.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં સુરતના સ્ટાર ટ્રેક ટ્યુશન ક્લાસિસના પ્લેમ્ફ્લેટ જે ફોટો મૂકવામાં આવ્યો છે એ અને એમાં જે માહિતી આપવામાં આવી છે એ એખ સસરા દ્વારા તેના જમાઈને બદનામ કરવા રચવામાં આવેલા કાવતરાનો એક ભાગ હતો. જેમાં આરોપી સસરાની પોલીસ દ્વારા ધરપકડ કરવામાં આવી છે. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)