Fake Check: દરિયાની વચ્ચે યુધ્ધ જહાજ પરથી DHL વિમાનના ઉડાનના વીડિયોનું જાણો શું છે સત્ય….

આ કોઈ વાસ્તવિક વીડિયો નથી. તે વીડિયો ગેમનો ગેમપ્લે બતાવે છે. આ વિડિયો ‘BROZ’ નામના ગેમિંગ વીડિયો નિર્માતા દ્વારા ફેસબુક પર અપલોડ કરવામાં આવ્યો હતો.

એરક્રાફ્ટ કેરિયરથી DHL લખેલુ માલવાહક એરપ્લેન ટેકઓફ કરતો એક વીડિયો સોશિયલ મીડિયામાં વાયરલ થઈ રહ્યો છે. જે વીડિયોને શેર કરીને દાવો કરવામાં આવી રહ્યો છે કે, “યુદ્ધ જહાજ પરથી DHLના માલવાહકનો આ વીડિયો ઓરિજનલ છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 14 જૂલાઈ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “યુદ્ધ જહાજ પરથી DHLના માલવાહકનો આ વીડિયો ઓરિજનલ છે.”

Instagram | IN post Archive | IN video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ પર કીવર્ડ સર્ચ કરતા અમને BROZ નામના ‘ગેમિંગ વિડિયો નિર્માતા’ દ્વારા ફેસબુક પર વાયરલ વીડિયોનું લાંબુ વર્ઝન પ્રાપ્ત થયુ હતુ. આ વીડિયો 7 જૂન 2024ના અપલોડ કરવામાં આવ્યો હતો. જેના કેપ્શનમાં માહિતી આપવામાં આવી હતી કે, ‘એરક્રાફ્ટ કેરિયરથી ખૂબ જ ખતરનાક ટેકઓફ C-747 DHL.’ આ સાત મિનિટનો લાંબો વીડિયો છે. 

તેમજ વધુ સર્ચ કરતા અમને આ ફેસબુક પેજ પર અન્ય ઘણા વીડિયો જોવા મળ્યા હતા. જેમાં જૂદા-જૂદા પ્લેનના વીડિયો અપલોડ કરવામાં આવ્યા હતા. જેમાંનો એક વીડિયો તમે નીચે જોઈ શકો છો. 

વધુ સર્ચ કરતા અમને યુટ્યુબ આ જ યુઝરની ચેનલ મળી હતી, જે ચેનલમાં માહિતી આપવામાં આવી હતી કે, બઘુ જ ફ્લાઈટ માટે અને દરરોજ ફ્લાઈટનો વીડિયો બનાવવામાં આવે છે. જે તમે નીચે જોઈ શકો છો.

તેમજ આ ચેનલ પર વાયરલ વીડિયો પણ અપલોડ કરવામાં આવ્યો હતો જે તમે નીચે જોઈ શકો છો. 

તેમજ આ વ્યક્તિની ફેસબુક પ્રોફાઈલ સર્ચ કરતા અમને તેમની પ્રોફાઈલ પર માહિતી પ્રાપ્ત થઈ હતી. જેમાં તેમણે જણાવ્યુ હતુ કે, તે ગેમિંગ વીડિયો બનાવનાર છે. જે તમે નીચે જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ કોઈ વાસ્તવિક વીડિયો નથી. આ વીડિયો ગેમનો ગેમપ્લે છે. આ વિડિયો ‘BROZ’ નામના ગેમિંગ વીડિયો નિર્માતા દ્વારા બનાવવામાં આવ્યો હતો અને તેમના ફેસબુક પેજ અને યુટ્યુબ ચેનલ પર અપલોડ કરવામાં આવ્યો હતો.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)