શું ખરેખર મહિલા સાથે ગેરવર્તન કરનાર આ શખ્સ અજરબૈજાનના પ્રધાનમંત્રી છે…? જાણો શું છે સત્ય….

જે વીડિયો વાયરલ થઈ રહ્યો છે તે અજરબૈજાનના વડા પ્રધાનનો નથી આ વીડિયો ચાર વર્ષ જૂનો છે. જે અજરબૈજાનના વડાપ્રધાન નથી પણ ભૂતપૂર્વ સાંસદ હુસેનબાલા મિરાલામોવ છે.

હાલમાં એક 19 સેકેન્ડનો વીડિયો સોશિયલ મીડિયા પર ખૂબ જ વાયરલ થઈ રહ્યો છે. વીડિયોમાં જોવામળે છે કે, એક વૃદ્ધ વ્યક્તિ કેમેરા સામે કંઈક કરી રહ્યો છે. આ દરમિયાન, એક મહિલા ત્યાં આવે છે અને તે તેની સાથે ખરાબ વર્તન કરે છે. આ દરમિયાન, સમગ્ર ઘટના કેમેરામાં કેદ થઈ જાય છે. આ વીડિયોને શેર કરીને દાવો કરવામાં આવી રહ્યો છે કે, “મહિલા સાથે ગેરવર્તન કરનાર આ શખ્સ અજરબૈજાનના પ્રધાનમંત્રી છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 17 મે 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “મહિલા સાથે ગેરવર્તન કરનાર આ શખ્સ અજરબૈજાનના પ્રધાનમંત્રી છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ પર કીવર્ડ સાથે સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને 22 એપ્રિલ 2021ના રોજ બીબીસી અઝરબૈજાન વેબસાઇટ પર પ્રસારિત એક અહેવાલ પ્રાપ્ત થયો હતો. જેમાં વાયરલ વીડિયોના દ્રશ્યો હાજર હતા.

જેની સાથે માહિતી આપવામાં આવી હતી કે, “ન્યૂ અઝરબૈજાન પાર્ટીએ ભૂતપૂર્વ સાંસદ હુસેનબાલા મિરાલામોવને એક મહિલા સાથે ગેરવર્તણૂક કરવા બદલ હાંકી કાઢ્યા. આ ઉપરાંત, તેમને અઝરબૈજાન સ્ટેટ ઓઇલ એન્ડ ઇન્ડસ્ટ્રી યુનિવર્સિટીમાંથી પણ દૂર કરવામાં આવ્યા હતા જ્યાં તેઓ પ્રોફેસર હતા. હુસેનબાલા મિરાલામોવે ઘણા વર્ષો સુધી સંસદમાં ન્યૂ અઝરબૈજાન પાર્ટીનું પ્રતિનિધિત્વ કર્યું.” 

Archive

તેમજ વધુ શોધ કરતાં અમને 30 એપ્રિલ 2021ના ​​રોજ બીજી વેબસાઇટ પર પ્રકાશિત થયેલ સંબંધિત અહેવાલ મળ્યો. વાયરલ વીડિયોના દ્રશ્યો પણ આ અહેવાલમાં હાજર હતા અને ઘટનાની સંપૂર્ણ વિગતો આપવામાં આવી હતી.  

આ અહેવાલમાં માહિતી આપવામાં આવી હતી કે, “ભૂતપૂર્વ અઝરબૈજાની સાંસદ હુસેનબાલા મિરાલામોવને એક મહિલા સાથે ગેરવર્તણૂક કરવા બદલ તેમની પાર્ટી, ન્યૂ અઝરબૈજાન પાર્ટીમાંથી હાંકી કાઢવામાં આવ્યા હતા. તેઓ પાર્ટીમાં વેટરન કાઉન્સિલના સભ્ય હતા. આ ઉપરાંત, તેમને અઝરબૈજાન સ્ટેટ ઓઇલ એન્ડ ઇન્ડસ્ટ્રીમાંથી પણ દૂર કરવામાં આવ્યા હતા. રિપોર્ટમાં એવું પણ જણાવવામાં આવ્યું હતું કે હુસેનબાલા મિરાલામોવે આ ઘટનાને કાવતરૂ ગણાવ્યું હતું અને કહ્યું હતું કે યુનિવર્સિટી કોન્ફરન્સનો આ વીડિયો જેણે પણ પ્રસારિત કર્યો છે તેને શોધી કાઢવામાં આવે.”

આ ઉપરાંત, અમે અજરબૈજાનના ભૂતપૂર્વ વડાપ્રધાનોની યાદી પણ શોધી, પરંતુ અમને ત્યાં પણ હુસેનબાલા મિરાલામોવનું નામ મળ્યું નહીં.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, જે વીડિયો વાયરલ થઈ રહ્યો છે તે અજરબૈજાનના વડા પ્રધાનનો નથી આ વીડિયો ચાર વર્ષ જૂનો છે. જે અજરબૈજાનના વડાપ્રધાન નથી પણ ભૂતપૂર્વ સાંસદ હુસેનબાલા મિરાલામોવ છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)