શું ખરેખર ઓવર બ્રિજ પર પર પાણી ભરાયાનો વીડિયો અમદાવાદનો છે…? જાણો શું છે સત્ય….

હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. વીડિયોમાં જોવામળે છે કે, એક ઓવર બ્રિજ પર પાણી ભરાયેલા છે. આ બ્રિજની એક તરફ વાહનો ઉભેલા જોવા મળે છે. આ વીડિયોને શેર કરીને દાવો કરવામાં આવી રહ્યો છે કે, “ઓવર બ્રિજ પર પાણી ભરાયાનો આ વીડિયો ગુજરાતના અમદાવાદનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 20 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ઓવર બ્રિજ પર પાણી ભરાયાનો આ વીડિયો ગુજરાતના અમદાવાદનો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે પોસ્ટ સાથે શેર કરવામાં આવેલા વીડિયોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને ન્યુઝ નાઈન ની ઓફિશિયલ યુટ્યુબ ચેનલ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “ભારે વરસાદના કારણે હૈદરાબાદના ફ્લાયઓવર બ્રિજ પર પાણી ભરાયા હતા.”

તેમજ વધુ સર્ચ કરતા અમને ફર્સ્ટ ઈન્ડિયા ન્યુઝ, સન ન્યુઝ, ધ ટેલિગ્રાફ ઈન્ડિયાની ઓફિશિયલ યુટ્યુબ ચેનલ પર વાયરલ વીડિયો આ જ માહિતી સાથે પ્રાપ્ત થયો હતો. જે તમે નીચે જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાતના અમદાવાદનો નહીં પરંતુ તેલગંણાનો હૈદરાબાદનો વીડિયો છે. તેને ગુજરાત સાથે કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)