શું ખરેખર વરસાદમાં પાણીથી ભીંજાયેલા વાનરનો વીડિયો વાયનાડનો છે…? જાણો શું છે સત્ય….

વાયનાડમાં દુર્ઘટના સ્થળેથી બે બાળ વાનરનો વીડિયો લેવામાં આવ્યો હોવાની માહિતી સાથે વાયરલ થયેલા વીડિયોને વાયનાડની દુર્ઘટના સાથે કોઈ સંબંધ નથી. આ દુરઘટનાના દસ દિવસ પહેલા લેવામાં આવ્યો હતો.

એક વાંદરાનું બચ્ચુ બીજા બાળક વાંદરાને પકડીને વરસાદમાં ભીંજાય ગયા હોવાનો વીડિયો સોશિયલ મીડિયામાં વાયરલ થઈ રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “વાયનાડમાં થયેલા ભૂસ્ખલન બાદનો વાનરના બચ્ચાનો આ વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 08 ઓગસ્ટ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “વાયનાડમાં થયેલા ભૂસ્ખલન બાદનો વાનરના બચ્ચાનો આ વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે વીડિયોનો સ્ક્રીનશોટ લઈ અને ગૂગલ પર રિવર્સ ઈમેજ સર્ચ કરીને ચેક કર્યું અને અમને આ વીડિયો TikTok પર મળ્યો. અમે VPN નો ઉપયોગ કરીને આ પોસ્ટનું પરીક્ષણ કર્યું છે. આ વીડિયો યુઝર બિંદુ ચૌધરીએ પોસ્ટ કર્યો છે.

ટિકટોક | સંગ્રહ

આ વીડિયો 20 જુલાઈના રોજ ટિક-ટોક પર અપલોડ કરવામા આવ્યો હતો. આ દુર્ઘટના 30 જુલાઈના રોજ વાયનાડના મુંડાકાઈ અને ચુરલમાલામાં થઈ હતી. આ વીડિયો પોસ્ટ થયાના 10 દિવસ પહેલાનો છે. આમ, આ વીડિયોને વાયનાડની દુર્ઘટના સાથે કોઈ લેવાદેવા નથી. અમે આ વીડિયો ક્યાં છે તેની તપાસ કરી. પરંતુ આ વીડિયો ખરેખર ક્યાં આવેલો છે તે અમે શોધી શક્યા નથી. જ્યારે આ વીડિયો અંગેનું લોકેશન જાણવા મળશે ત્યારે તેની માહિતી આ અહેવાલમાં ઉમેરવામાં આવશે. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયનાડમાં દુર્ઘટના સ્થળેથી બે બાળ વાનરનો વીડિયો લેવામાં આવ્યો હોવાની માહિતી સાથે વાયરલ થયેલા વીડિયોને વાયનાડની દુર્ઘટના સાથે કોઈ સંબંધ નથી. આ દુરઘટનાના દસ દિવસ પહેલા લેવામાં આવ્યો હતો.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)