શું ખરેખર હાર પછી પણ સુપ્રિયા શ્રીનતે ઉજવણી કરી રહી છે? જાણો શું છે સત્ય….

વાયરલ વીડિયો જૂનો છે અને તાજેતરની દિલ્હી વિધાનસભા ચૂંટણીઓ સાથે સંબંધિત નથી. આ વીડિયોમાં કોંગ્રેસ નેતા સુપ્રિયા શ્રીનતે લોકસભા ચૂંટણી 2024ના પરિણામોની જાહેરાત પછી પોતાનો આનંદ વ્યક્ત કરતા જોવા મળે છે.

તાજેતરની દિલ્હી વિધાનસભા ચૂંટણીમાં કોંગ્રેસ એક પણ બેઠક જીતી શકી ન હતી. આ પૃષ્ઠભૂમિમાં, કોંગ્રેસના પ્રવક્તા સુપ્રિયા શ્રીનતેનો એક વીડિયો સોશિયલ મીડિયા પર વાયરલ થયો છે. વીડિયોમાં સુપ્રિયા શ્રીનતે ખુશીથી એક રૂમમાં પ્રવેશતા જોવા મળે છે અને લોકો તાળીઓ પાડવા લાગે છે. વીડિયો શેર કરીને દાવો કરવામાં રહ્યો છે કે, “તાજેતરની દિલ્હી વિધાનસભા ચૂંટણીમાં હાર બાદ પણ સુપ્રિયા શ્રીનતે ઉજવણી કરી રહ્યા હતા.” 

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 08 ફેબ્રુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “તાજેતરની દિલ્હી વિધાનસભા ચૂંટણીમાં હાર બાદ પણ સુપ્રિયા શ્રીનતે ઉજવણી કરી રહ્યા હતા.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.  

સૌપ્રથમ અમે વાયરલ વીડિયોનો સ્ક્રિન શોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમે એક યુટ્યુબ ચેનલ પર પહોંચ્યા જ્યાં વાયરલ વીડિયો 5 જૂન 2024ના રોજ અપલોડ કરવામાં આવ્યો હતો. વીડિયોના વર્ણન મુજબ, લોકસભા ચૂંટણી 2024ના પરિણામોની જાહેરાત પછી કોંગ્રેસ નેતા સુપ્રિયા શ્રીનતે ભાવુક થઈ ગયા.

આગળ વધતા, સંબંધિત કીવર્ડ્સનો ઉપયોગ કરીને, અમને સુપ્રિયા શ્રીનતેના સત્તાવાર ટ્વિટર હેન્ડલ પર 4 જૂન 2024ના રોજ અપલોડ કરાયેલો મૂળ વીડિયો મળ્યો. ટ્વિટના કેપ્શનમાં લખ્યું હતું, “આજે, આખો દિવસ કોંગ્રેસ મુખ્યાલયમાં વિતાવ્યા પછી, જ્યારે હું સોશિયલ મીડિયા ઓફિસ પહોંચી, ત્યારે ટીમ ઉત્સાહિત હતી.

કોંગ્રેસના કાર્યકરોએ ખૂબ જ મહેનત કરી છે, સોશિયલ મીડિયા ટીમનું પ્રદર્શન ઉત્તમ હતું.

આપણે રાહુલ ગાંધીના યોદ્ધા છીએ, અને આજે તેમના સત્ય અને હિંમતની જીત જોઈને ભાવુક થવું સ્વાભાવિક છે.

आज पूरा दिन कांग्रेस मुख्यालय पर बिताने के बाद जब सोशल मीडिया दफ़्तर पहुँची तो टीम उत्साहित थी

कांग्रेस कार्यकर्ताओं ने ज़बर्दस्त मेहनत की है, सोशल मीडिया टीम का प्रदर्शन शानदार रहा

हम राहुल गांधी के योद्धा हैं, और आज उनके सत्य और साहस को जीतते देख भावुक होना स्वाभाविक है pic.twitter.com/tOJ3U138YI

— Supriya Shrinate (@SupriyaShrinate) June 4, 2024

આનાથી સ્પષ્ટ થાય છે કે વાયરલ વીડિયો જૂનો છે અને તાજેતરની દિલ્હી વિધાનસભા ચૂંટણીઓ સાથે સંબંધિત નથી. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયો જૂનો છે અને તાજેતરની દિલ્હી વિધાનસભા ચૂંટણીઓ સાથે સંબંધિત નથી. આ વીડિયોમાં કોંગ્રેસ નેતા સુપ્રિયા શ્રીનતે લોકસભા ચૂંટણી 2024ના પરિણામોની જાહેરાત પછી પોતાનો આનંદ વ્યક્ત કરતા જોવા મળે છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)