શું ખરેખર અમેરિકામાં કુરાન ઘરમાં હોવાથી આગ ન લાગી…? જાણો શું છે સત્ય….

પોસ્ટ સાથે શેર કરવામાં આવેલો ફોટો લોસ એન્જલસમાં તાજેતરમાં લાગેલી આગનો નથી પરંતુ 2023માં લાગેલી આગ દરમિયાનનો છે.

લોસ એન્જલસમાં આગના નામે એક ફોટો સોશિયલ મીડિયા પર વાયરલ થઈ રહ્યો છે. આ ફોટામાં જોઈ શકાય છે કે એક ઘર સિવાય, આસપાસનો આખો વિસ્તાર બળીને રાખ થઈ ગયો છે. આ ફોટોને શેર કરીને દાવો કરવામાં આવી રહ્યો છે કે “ફોટામાં દેખાતા ઘરમાં આગ લાગી ન હતી કારણ કે તે ઘરમાં કુરાન રાખવામાં આવ્યું હતું.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 15 જાન્યુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ફોટામાં દેખાતા ઘરમાં આગ લાગી ન હતી કારણ કે તે ઘરમાં કુરાન રાખવામાં આવ્યું હતું.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને 23 ઓગસ્ટ 2023નો મીડિયા અહેવાલ પ્રાપ્ત થયો હતો. જેમાં આ ફોટો અમેરિકાના લહૈના શહેરનો હોવાનું જણાવ્યુ હતુ. જ્યાં હવાઈમાં જંગલમાં લાગેલી આગને કારણે ઘણા ઘરો આગમાં લપેટાઈ ગયા હતા. આ અકસ્માતમાં, 100 વર્ષ જૂનું ઘર બચી ગયું, જેમાં આગ લાગી ન હતી. આ પાછળનું કારણ હજુ સુધી જાણી શકાયું નથી. 

ગ્લોબલ ન્યુઝ | સંગ્રહ

તેમજ વધુ સર્ચ કરતા અમને CBS ન્યૂઝ નામની યુટ્યુબ ચેનલ પર આ અકસ્માત સંબંધિત એક વીડિયો પણ મળ્યો. આ વીડિયો 24 ઓગસ્ટ 2023ના રોજ ચેનલ પર અપલોડ કરવામાં આવ્યો હતો. 

આમ, ઉપરોક્ત પરિણામો પરથી સ્પષ્ટ છે કે, સોશિયલ મીડિયા પર વાયરલ થયેલા ફોટા સાથે કરવામાં આવી રહેલો દાવો સંપૂર્ણપણે ખોટો છે. આ ફોટો લોસ એન્જલસમાં તાજેતરમાં લાગેલી આગનો નથી પરંતુ 2023નો છે. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો ફોટો લોસ એન્જલસમાં તાજેતરમાં લાગેલી આગનો નથી પરંતુ 2023માં લાગેલી આગ દરમિયાનનો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)