જાણો વડાપ્રધાન નરેન્દ્ર મોદી પર પ્રહાર કરી રહ્યા હોવાના નામે વાયરલ થઈ રહેલા દિલ્હીના મહિલા મુખ્યમંત્રી રેખા ગુપ્તાના વીડિયોનું શું છે સત્ય…

તાજેતરમાં સોશિયલ મીડિયા પર ભાજપના દિલ્હીના મહિલા મુખ્યમંત્રી રેખા ગુપ્તાના  નિવેદનનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, ભાજપના દિલ્હીના મહિલા મુખ્યમંત્રી રેખા ગુપ્તા વડાપ્રધાન નરેન્દ્ર મોદી પર પ્રહાર કરી રહ્યા છે તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો સાબિત થાય છે કારણ કે, પોસ્ટમાં ભાજપના દિલ્હીના મહિલા મુખ્યમંત્રી રેખા ગુપ્તાના નિવેદનનો જે વીડિયો મૂકવામાં આવ્યો છે એ એડિટ કરેલો અધૂરો વીડિયો છે. વાસ્તવિક વીડિયોમાં રેખા ગુપ્તા વિપક્ષ પર પ્રહાર કરી રહ્યા હતા. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 16 ઓક્ટોબર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકના લખાણમાં એવો દાવો કરવામાં આવી રહ્યો છે કે, ભાજપના દિલ્હીના મહિલા મુખ્યમંત્રી રેખા ગુપ્તા વડાપ્રધાન નરેન્દ્ર મોદી પર પ્રહાર કરી રહ્યા છે તેનો આ વીડિયો છે.

https://archive.org/details/recording-2025-11-03-8-12-0

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ ગુગલ રિવર્સ ઈમેજનો સહારો લઈ આ વીડિયોનો એક સ્ક્રીનશોટ લઈને સર્ચ કરતાં પોસ્ટમાં મૂકવામાં આવેલો આજ વીડિયો NBT બિહાર-ઝારખંડના સત્તાવાર યુટ્યુબ પર 15 ઓક્ટોબર, 2025ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આવી હતી કે, આ વીડિયો બિહારના શરીફ ખાતે રેખા ગુપ્તાએ લોકોને સંબોધિત કર્યા હતા તેનો છે. 

ઉપરોક્ત વીડિયોને ધ્યાનથી જોતાં અમને એ માલૂમ પડ્યું હતું કે, વીડિયોમાં તમે 07.42 મિનિટે વાયરલ ક્લિપ જોઈ શકો છો. આ સમયે દિલ્હીના ભાજપના મહિલા મુખ્યમંત્રી વિપક્ષ પર પ્રહાર કરતાં એવું કહી રહ્યા છે કે, “ये वो पार्टी है, ये वो लोग हैं जो भ्रष्टाचार नहीं करते, अपने ऊपर ध्यान नहीं देते, अपने परिवार की चिंता नहीं करते, ये चिंता करते हैं जनता की, गरीब जनता का काम करते हैं, गरीब जनता के साथ खड़े होते हैं अरे जो अपना परिवार नहीं संभाल पाए वो क्या बिहार को संभालेंगे? अपना परिवार संभाल नहीं पाए। संभाल नहीं सकते तो बिहार की बागडोर मजबूत हाथों में देनी है, वो मजबूत हाथ जो वर्षों से आपका ध्यान रख रहे हैं और वर्षों तक आपकी सेवा में कार्यरत रहेंगे। ऐसे अपने भाइयों को चुनें, ऐसा आशीर्वाद दें कि बिहार की प्रगति के सितारे बुलंद ही बुलंद हों. बुलंद होंगे ना?”

ઉપરોક્ત સંશોધન પરથી એ સ્પષ્ટ થાય છે કે, બિહારમાં રેખા ગુપ્તાએ આ નિવેદન વિપક્ષ પર પ્રહાર કરતાં આપ્યું હતું.

આ જ વીડિયો ANI News દ્વારા પણ તેના સત્તાવાર યુટ્યુબ પર 15 ઓક્ટોબર, 2025ના રોજ અપલોડ કરવામાં આવ્યો હતો. જેમાં તમે વાયરલ વીડિયો 9.55 મિનિટ પછા જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભાજપના દિલ્હીના મહિલા મુખ્યમંત્રી રેખા ગુપ્તાના નિવેદનનો જે વીડિયો મૂકવામાં આવ્યો છે એ એડિટ કરેલો અધૂરો વીડિયો છે. વાસ્તવિક વીડિયોમાં રેખા ગુપ્તા વિપક્ષ પર પ્રહાર કરી રહ્યા હતા. લોકોને ગેરમાર્ગે દોરવા માટે વીડિયોને ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)