પોસ્ટ સાથે શેર કરવામાં આવેલો વીડિયો ભારતીય હુમલા બાદ પાકિસ્તાન એરબેઝનો નાશ થયો હોવાનો નથી. આ વીડિયો સુડાનના ખાર્તુમ એરપોર્ટનો માર્ચ મહિનાના અંતનો વીડિયો છે.
સોશિયલ મીડિયા પર એક વીડિયો શેર કરવામાં આવી રહ્યો છે જેમાં દાવો કરવામાં આવી રહ્યો છે કે ભારતીય હુમલામાં પાકિસ્તાનના એરબેઝને ભારે નુકસાન થયું હતું અને તેથી જ પાકિસ્તાને આત્મસમર્પણ કર્યું.
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 12 મે 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ભારતીય હુમલામાં પાકિસ્તાનના એરબેઝને ભારે નુકસાન થયુ તેનો વીડિયો છે.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે વાયરલ વીડિયોનો સ્ક્રિનશોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને આ વીડિયો 2 એપ્રિલ 2025ના યુટ્યુબ પર પ્રાપ્ત થયો હતો અને માહિતી આપવામાં આવી હતી કે, “સુદાનના ખાર્તુમ એરપોર્ટને આરએસએફ લડવૈયાઓ દ્વારા તોડફોડ અને નાશ કરવામાં આવ્યો હતો.”
આ ક્લુના આધારે અમે ગૂગલ પર કીવર્ડ સાથે શોધ કરતા અમને અન્ય પોસ્ટ પ્રાપ્ત થઈ હતી તેમાં કહેવામાં આવ્યું છે કે “સુદાનના ખાર્તુમ એરપોર્ટ પર સુદાનની સેના અને રેપિડ સપોર્ટ ફોર્સિસ પર થયેલા હુમલામાં મોટી સંખ્યામાં વિમાનોને નુકસાન થયું છે.”
અમે પુષ્ટિ કરી છે કે માર્ચ 2025ના અંતથી સોશિયલ મીડિયા પર એક વીડિયો શેર કરવામાં આવી રહ્યો છે જેમાં ભારતીય હુમલામાં પાકિસ્તાની એરબેઝનો નાશ થયો હોવાનો દાવો કરવામાં આવ્યો છે. એ પણ પુષ્ટિ મળી છે કે આ સુદાનના એરપોર્ટ પર હુમલો હતો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ભારતીય હુમલા બાદ પાકિસ્તાન એરબેઝનો નાશ થયો હોવાનો નથી. આ વીડિયો સુડાનના ખાર્તુમ એરપોર્ટનો માર્ચ મહિનાના અંતનો વીડિયો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:પાકિસ્તાનમાં એરબેઝ તબાહ થઈ ગયાના નામે વાયરલ વીડિયોનું જાણો શું છે સત્ય….
Fact Check By: Frany KariaResult: Misleading
