Fake Check: રસ્તામાં મહિલા પર કુતરાના હુમલાના CCTV વીડિયોનું જાણો શું છે સત્ય…

પોસ્ટ સાથે શેર કરવામાં આવેલો વીડિયો યુપીના આગ્રા શહેરનો નહીં પરંતુ પંજાબના જાલંધર શહેરનો છે. યુપીના આગ્રા શહેરનો હોવાની વાત તદ્દન ખોટી છે.

હાલમાં સોશિયલ મીડિયામાં એક વીડિયો વાયરલ થઈ રહ્યો છે. જેમાં એક મહિલા પર કૂતરાઓના ટોળા દ્વારા હુમલો કરવામાં આવે છે, આ વીડિયોને શેર કરીને દાવો કરવામાં આવી રહ્યો છે કે, “કૂતરાઓએ મહિલા પર હુમલો કરી તેને ઇજા પહોંચાડી તે વીડિયો યુપીના આગ્રા શહેરનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 26 ડિસેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “કૂતરાઓએ મહિલા પર હુમલો કરી તેને ઇજા પહોંચાડી તે વીડિયો યુપીના આગ્રા શહેરનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને યુટ્યુબ પર આ વીડિયો પ્રાપ્ત થયો હતો, જેની સાથે માહિતી આપવામાં આવી હતી કે, “જલંધરના વડાલા ચોક પાસે એક દુ:ખદ ઘટના બની હતી, જ્યાં એક વૃદ્ધ મહિલા વહેલી સવારે ગુરૂદ્વારા જઈ રહી હતી ત્યારે 7-8 રખડતા કૂતરાઓએ હુમલો કર્યો હતો. આ સમગ્ર ઘટના સીસીટીવી ફૂટેજમાં રેકોર્ડ થઈ ગઈ હતી. મહિલા ગંભીર રીતે ઘાયલ થઈ હતી, હોસ્પિટલમાં દાખલ થઈ હતી અને હાલમાં તે કોમામાં છે.”

તેમજ આ ક્લુના આધારે અમે સર્ચ કરતા અમને ઈન્ડિયા ટુડે દ્વારા પ્રકાશિત અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “મહિલા જલંધરના ગુરૂદ્વારાથી પરત ફરી રહી હતી. આ દરમિયાન 7-8 જેટલા રખડતા કૂતરાઓએ મહિલા પર હુમલો કરી ઇજા પહોંચાડી હતી.” 

India Today | Archive

તેમજ વધુ સર્ચ કરતા અમને યુપી પોલીસના આગ્રાના કમિશ્નરના ઓફિશિયલ ટ્વિટર એકાઉન્ટ પરની એક પોસ્ટ પ્રાપ્ત થઈ હતી.જે પોસ્ટ 24 ડિસેમ્બર 2024ના રોજ શેર કરવામાં આવી હતી. પોલીસે વાયરલ થયેલા દાવાને નકારી કાઢ્યો છે. એવું પણ કહેવામાં આવ્યું છે કે વાયરલ વીડિયો આગ્રાનો નથી, પરંતુ પંજાબના જાલંધરમાં બનેલી ઘટનાનો છે.  

सोशल मीडिया पर वायरल वीडियो व कुछ समाचार पत्रों में भी खबर प्रकाशित हुई है कि आगरा में एक महिला पर कुत्तों के झुंड ने हमला किया। यह घटना पूर्व में पंजाब, जालंधर की है ना की आगरा की। कृपया खबरों की पुष्टि करने के बाद ही उसे मीडिया में प्रकाशित/शेयर करें।https://t.co/UkCdyCJWMZ pic.twitter.com/xGDSzxRyhY

— POLICE COMMISSIONERATE AGRA (@agrapolice) December 24, 2024

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો યુપીના આગ્રા શહેરનો નહીં પરંતુ પંજાબના જાલંધર શહેરનો છે. યુપીના આગ્રા શહેરનો હોવાની વાત તદ્દન ખોટી છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)