જાણો ભાજપની ટોપી પહેરેલા જિમિશા અવલાનીના વાયરલ થઈ રહેલા ફોટોનું શું છે સત્ય…

અમેરિકાના ઈલિનોઇસના ટાર્ગેટ સ્ટોરમાંથી એક ભારતીય મહિલાની લગભગ $1300 (લગભગ ₹1.1 લાખ)ની કિંમતની વસ્તુઓ ચોરી કરવાનો પ્રયાસ કરવા બદલ ધરપકડ કરવામાં આવી હતી. તેના શંકાસ્પદ વર્તનને કારણે સ્ટોર સ્ટાફે પોલીસને બોલાવી હતી. તાજેતરમાં સોશિયલ મીડિયા પર ચોરી કરનાર આ જ મહિલા જેનું નામ જિમિશા અવલાની છે તેનો એક ફોટો વાયરલ થઈ રહ્યો છે. જેની સાથે એવો દાવો કરવામાં આવી રહ્યો છે કે, અમેરિકાના ઈલિનોઇસના ટાર્ગેટ સ્ટોરમાંથી ચોરી કરનાર મહિલા જિમિશા અવલાની ભાજપ સાથે જોડાયેલી છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં અમેરિકાના ઈલિનોઇસના ટાર્ગેટ સ્ટોરમાંથી ચોરી કરનાર મહિલા જિમિશા અવલાનીનો ભાજપની ટોપી પહેરેલો જે ફોટો મૂકવામાં આવ્યો છે એ એડિટેડ છે. વાસ્તવિક ફોટોમાં તેણે ભાજપની ટોપી નથી પહેરી પરંતુ તેને AI ટેકનોલોજી દ્વારા એડિટ કરીને વાયરલ કરવામાં આવ્યો છે. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 19 જુલાઈ, 2025 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથેના શીર્ષકમાં એવું લખવામાં આવ્યું છે કે, એલા ઇ ભારત નથી બધે ચોરી નો કરાય ..વિદેશોમાં ભારત નુ નામ રોશન કરતા ભક્તો ની બેન😂 આ છે અનયા અવલણી જે અમેરિકા ગઈ હતી. એક સ્ટોરમાં ઘૂસીને 7 કલાક શોપિંગ કરી, 1300 ડોલર એટલે કે 10 હજારના 1 લાખ 10 હજારની ચોરી કરી. તેમની હરકત સીસીટીવીમાં કેદ થઈ. આ લખાણમાં એવો દાવો કરવામાં આવી રહ્યો છે કે, અમેરિકાના ઈલિનોઇસના ટાર્ગેટ સ્ટોરમાંથી ચોરી કરનાર મહિલા જિમિશા અવલાની ભાજપ સાથે જોડાયેલી છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા ફોટોને ધ્યાનથી જોયા બાદ ગુગલ રિવર્સ ઈમેજનો સહારો લઈને સર્ચ કરતાં અમને જિમિશા અલાનીના આવા જ એક ફોટો સાથેની ટ્વિટ એક ટ્વિટર યુઝર દ્વારા 19 જુલાઈ, 2025 ના રોજ કરવામાં આવી હોવાની માહિતી પ્રાપ્ત થઈ હતી. આ ફોટોમાં તમે સ્પષ્ટ રીતે જોઈ શકો છો કે, જિમિશા અવલાનીએ માથા પર ભાજપની ટોપી નથી પહેરી. જેના પરથી એ સ્પષ્ટ સાબિત થાય છે કે, પોસ્ટમાં જે ફોટો મૂકવામાં આવ્યો છે એ એડિટ કરેલો છે.

😭😭😭😭😭😭 https://t.co/Smw7Wiyos0 pic.twitter.com/9rzq0bJLTd

— Traveling Salesman (@def__init__e) July 19, 2025

આ જ ફોટો અને માહિતી સાથેની અન્ય ટ્વિટર પોસ્ટ પણ અમને પ્રાપ્ત થઈ હતી. જે તમે અહીં જોઈ શકો છો. Twitter Post 1 | Twitter Post 2

નીચે તમે જિમિસા અલાનીના વાયરલ થઈ રહેલા એડિટેડ ફોટો અને ઓરિજીનલ ફોટો વચ્ચેનો તફાવત જોઈ શકો છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં અમેરિકાના ઈલિનોઇસના ટાર્ગેટ સ્ટોરમાંથી ચોરી કરનાર મહિલા જિમિશા અવલાનીનો ભાજપની ટોપી પહેરેલો જે ફોટો મૂકવામાં આવ્યો છે એ એડિટેડ છે. વાસ્તવિક ફોટોમાં તેણે ભાજપની ટોપી નથી પહેરી પરંતુ તેને AI ટેકનોલોજી દ્વારા એડિટ કરીને વાયરલ કરવામાં આવ્યો છે. આ ફોટોને સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)