શું ખરેખર રાહુલ ગાંધી દ્વારા મલ્લિકાર્જુન ખડગેનું અપમાન કરવામાં આવ્યુ…? જાણો શું છે સત્ય….

પોસ્ટ સાથે શેર કરવામાં આવેલા વીડિયોમાં રાહુલ ગાંધી મલ્લિકાર્જુન ખડગેનું અપમાન નથી કરી રહ્યા પરંતુ તેમને ભાષણ આપવા માટે ઉભા થવા માટે મદદ કરી રહ્યા હતા.

હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જેમાં લોકસભામાં વિપક્ષના નેતા રાહુલ ગાંધી કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગેની ખુરશી ખસેડતા જોવા મળી રહ્યા છે. આ વીડિયોને શેર કરીને દાવો કરવામાં આવી રહ્યો છે કે, “કોંગ્રેસ નેતા રાહુલ ગાંધી દ્વારા મલ્લિકાર્જુન ખડગેનું અપમાન કરવામાં આવ્યુ.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ નામના ફેસબુક યુઝર દ્વારા તારીખ 02 ફેબ્રુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “કોંગ્રેસ નેતા રાહુલ ગાંધી દ્વારા મલ્લિકાર્જુન ખડગેનું અપમાન કરવામાં આવ્યુ.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ પર કીવર્ડ સાથે સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને 15 જાન્યુઆરી 2024 કોંગ્રેસ પાર્ટીની ઓફિશિયલ યુટ્યુબ ચેનલ પર એક વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, ‘ઈન્દિરા ભવનનું ઉદ્ઘાટન, નવા AICC મુખ્યાલય’ દરમિયાનનો વીડિયો છે.

આ વીડિયોમાં રાજ્યસભાના સાંસદ અજય માકન કાર્યક્રમ દરમિયાન 28 મિનિટે રાહુલ ગાંધીને બોલવાનું આમંત્રણ આપતા દેખાય છે, જ્યારે રાહુલ 46:06 મિનિટે પોતાનું ભાષણ પૂરું કરે છે.

ત્યારબાદ માકન પોડિયમ પર પાછા ફરે છે અને મલ્લિકાર્જુન ખડગેને બોલવાનું આમંત્રણ આપે છે. બરાબર 46:45 મિનિટે, વાયરલ ક્લિપ દેખાય છે, જેમાં રાહુલ ખડગેને તેમની ખુરશીથી મદદ કરે છે જેથી નેતા તેમના ભાષણ માટે ઉભા થાય. જેનાથી સ્પષ્ટ થાય છે કે રાહુલ ગાંધીએ ખડગેને તેમનું અપમાન ન કરીને તેમની મદદ કરી હતી.

તેમજ પ્રિયંકા ગાંધી વાડ્રા દ્વારા પણ તેમની ઓફિશિયલ યુટ્યુબ ચેનલ પર પણ આ વીડિયો પ્રાપ્ત થયો હતો. જે તમે નીચે જોઈ શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલા વીડિયોમાં રાહુલ ગાંધી મલ્લિકાર્જુન ખડગેનું અપમાન નથી કરી રહ્યા પરંતુ તેમને ભાષણ આપવા માટે ઉભા થવા માટે મદદ કરી રહ્યા હતા. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)