શું ખરેખર નિતીશ કુમારને હાલમાં યુવાન દ્વારા ફડાકો મારવામાં આવ્યો…? જાણો શું છે સત્ય….

બિહારના સીએમ નીતીશ કુમારને થપ્પડ મારવામાં આવતા વીડિયો હાલના સમયનો નથી પરંતુ બે વર્ષ પહેલાનો છે.

બિહારના સીએમ નીતિશ કુમારનો 25 સેકન્ડનો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે એક યુવક સુરક્ષા કોર્ડન તોડીને મુખ્યમંત્રી નીતિશ કુમાર પર હુમલો કરે છે. ત્યારપછી ત્યાં હાજર સુરક્ષાકર્મીઓએ તરત જ યુવકને કાબૂમાં લીધો અને તેને ત્યાંથી હટાવી દીધો. આ વીડિયો સાથે દાવો કરી રહ્યા છે કે, “બિહારના મુખ્યમંત્રી નીતિશ કુમારને તાજેતરમાં એક કાર્યક્રમ દરમિયાન એક યુવકે થપ્પડ મારી હતી.” 

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 16 જૂલાઈ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “બિહારના મુખ્યમંત્રી નીતિશ કુમારને તાજેતરમાં એક કાર્યક્રમ દરમિયાન એક યુવકે થપ્પડ મારી હતી.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

અમે તપાસની શરૂઆતમાં સંબંધિત કીવર્ડસનો ઉપયોગ કર્યો હતો. જેના પરિણામ સ્વરૂપે અમને 28 માર્ચ 2022ના રોજ નવભારત ટાઈમ્સની વેબસાઈટ પર પ્રકાશિત અહેવાલ પ્રાપ્ત થયો હતો. આમાં અમે વાયરલ વીડિયોના દ્રશ્યો જોયા. સમાચાર અનુસાર, આ ઘટના બિહારના બખ્તિયારપુરમાં બની હતી, જ્યારે એક યુવકે સીએમ નીતિશ કુમારને જાહેરમાં થપ્પડ મારવાની કોશિશ કરી હતી જ્યારે તેમની સુરક્ષાનો ભંગ કર્યો હતો. પરંતુ થપ્પડ તેના હાથ પર વાગી હતી. આના પરથી અમને સમજાયું કે મામલો વર્તમાન નથી પણ જૂનો છે. 

Navbharat Times | Archive

જો કે, આ સમાચારને આગળ વાંચ્યા પછી, અમે પટના જિલ્લાના જનસંપર્ક અધિકારીની અખબારી યાદીને ટાંકીને કેસ સંબંધિત માહિતી જોઈ. અહેવાલ છે કે 27 માર્ચ, 2022ના રોજ મુખ્યમંત્રી નીતિશ કુમાર પ્રખ્યાત સ્વાતંત્ર્ય સેનાની સ્વર્ગસ્થ શિલાભદ્ર યાજીની પ્રતિમાને પુષ્પાંજલિ આપવા માટે બખ્તિયારપુર ગયા હતા. ત્યારબાદ એક યુવકે સુરક્ષા કોર્ડન તોડીને મુખ્યમંત્રી પર હુમલો કરવાનો પ્રયાસ કર્યો હતો, પરંતુ તે પકડાઈ ગયો હતો. યુવકની ઓળખ શંકર કુમાર વર્મા ઉર્ફે છોટુ, પિતા શ્રી શ્યામ સુંદર વર્મા, રહેવાસી – બખ્તિયારપુર મ્યુનિસિપલ કાઉન્સિલ તરીકે થઈ છે. યુવકની માનસિક સ્થિતિ સારી ન હોવાથી તેણે અગાઉ આપઘાતનો પ્રયાસ કર્યો હોવાનું પણ તપાસમાં બહાર આવ્યું છે. તેથી મુખ્યમંત્રી નીતિશ કુમારે આ વ્યક્તિ સામે કોઈ કાર્યવાહી ન કરવા અને તેની સારવારમાં જરૂરી સહયોગ આપવાનો નિર્દેશ આપ્યો હતો.

આ માહિતીની સાથે, અમે ન્યૂઝ 18ના સત્તાવાર ફેસબુક પેજ પર વીડિયો રિપોર્ટ પણ જોયો. 27 માર્ચ 2022ના રોજ પોસ્ટ કરવામાં આવેલા વીડિયો સાથેના કેપ્શનમાં લખ્યું છે કે બિહારના મુખ્યમંત્રી નીતિશ કુમારને એક વ્યક્તિએ થપ્પડ મારી હતી. સુરક્ષાકર્મીઓ તેને તરત જ ખેંચી ગયા હતા.

Archive

આ ઘટના પર ધ ટેલિગ્રાફ અને ગુડ ન્યૂઝ ટુડે અહેવાલો 28 માર્ચ 2022ના રોજ મળી શકે છે. તેમના કહેવા મુજબ બખ્તિયારપુરમાં એક માનસિક રીતે અસ્વસ્થ વ્યક્તિએ મુખ્યમંત્રી નીતિશ કુમાર પર હુમલો કર્યો હતો. પરંતુ યુવકની માનસિક સ્થિતિ વિશે જાણ્યા બાદ મુખ્યમંત્રી નીતિશ કુમારે કોઈ શિક્ષાત્મક પગલાં ન લેવાનો નિર્દેશ આપ્યો હતો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયો વાસ્તવમાં 2022નો છે જ્યારે બખ્તિયારપુરના પ્રસિદ્ધ સ્વાતંત્ર્ય સેનાની સ્વર્ગસ્થ શીલભદ્ર યાજીની પ્રતિમાને હાર પહેરાવવા ગયા હતા. ત્યારે માનસિક રીતે અસ્વસ્થ વ્યક્તિએ નીતિશ કુમાર પર હુમલો કર્યો હતો. ઘટના તાજેતરની નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)