જાણો દિલ્હીમાં છઠ પૂજાની ઉજવણીના નામે વાયરલ થઈ રહેલા ફોટોનું શું છે સત્ય…

તાજેતરમાં સોશિયલ મીડિયા પર છઠ પૂજા કરી રહેલી મહિલાઓના બે ફોટા વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભાજપના શાસનમાં અને એ પહેલાંની સરકારના શાસનમાં યમુના નદીમાં છઠ પૂજા કરી રહેલી મહિલાઓના આ ફોટા છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં છઠ પૂજા કરી રહેલી મહિલાઓના જે બે ફોટા મૂકવામાં આવ્યા છે એ બંને ફોટા જૂના છે. આ બંને ફોટોને દિલ્હીમાં ભાજપના શાસન સાથે કોઈ જ સંબંધ નથી. આ બંને ફોટા સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 28 ઓક્ટોબર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટોના શીર્ષકમાં એવું લખવામાં આવ્યું છે કે, ફરક સાફ છે. આ ફોટો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભાજપના શાસનમાં અને એ પહેલાંની સરકારના શાસનમાં યમુના નદીમાં છઠ પૂજા કરી રહેલી મહિલાઓના આ ફોટા છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરુઆતમાં અમે પોસ્ટમાં મૂકવામાં આવેલા પ્રથમ ફોટોને ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આ જ ફોટો સાથેના સમાચાર indianexpress.com દ્વારા 10 નવેમ્બર, 2021ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે,  દિલ્હી સરકાર છઠ પૂજાની ઉજવણી માટે યમુના નદીમાં ફેલાયેલા ફીણને કઈ રીતે કંટ્રોલ કરશે. જેના પરથી એ સ્પષ્ટ સાબિત થાય છે કે, આ ફોટો જૂનો છે ત્યારે દિલ્હીમાં આમ આદમી પાર્ટીની સરકાર હતી.

અમારી વધુ તપાસમાં અમને આ જ માહિતી અને ફોટો સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. hindustantimes.com | timesnownews.com

ત્યાર બાદ અમે પોસ્ટમાં મૂકવામાં આવેલા બીજા ફોટોને ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આ જ ફોટો સાથેના સમાચાર livehindustan.com દ્વારા 24 ઓક્ટોબર, 2017ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. પરંતુ આ સમાચારમાં ક્યાંય પણ આ ફોટો દિલ્હીનો હોવાની માહિતી આપવામાં આવી ન હતી. જો આ ફોટો દિલ્હીનો હોય તો પણ વર્ષ 2017માં દિલ્હીમાં આમ આદમી પાર્ટીની સરકાર હતી અને મુખ્યમંત્રી અરવિંદ કેજરીવાલ હતા.

અમારી વધુ તપાસમાં અમને આ જ માહિતી અને ફોટો સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. motivationalmornings.net | india.com

ઉપરોક્ત તમામ સંશોધન પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલા બંને ફોટા જૂના છે અને આ બંને ફોટોને તાજેતરની પરિસ્થિતિ કે દિલ્હીની ભાજપ સરકાર સાથે કોઈ જ સંબંધ નથી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં છઠ પૂજા કરી રહેલી મહિલાઓના જે બે ફોટા મૂકવામાં આવ્યા છે એ બંને ફોટા જૂના છે. આ બંને ફોટોને દિલ્હીમાં ભાજપના શાસન સાથે કોઈ જ સંબંધ નથી. આ બંને ફોટા સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)