જાણો ગુજરાત પોલીસની ચેતવણીના નામે વાયરલ વીડિયોનું શું છે સત્ય…

તાજેતરમાં સોશિયલ મીડિયા પર ગુજરાત પોલીસની ચેતવણીના નામે એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, ગુજરાત પોલીસ દ્વારા આપવામાં આવેલી ચેતવણીનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં ગુજરાત પોલીસની ચેતવણીના જે વીડિયો મૂકવામાં આવ્યો છે એ માહિતી તદ્દન ખોટી છ હોવાની ગુજરાત પોલીસ દ્વારા સ્પષ્ટતા કરવામાં આવી હતી. તેમજ આ પ્રકારે કોઈ જ ગેંગ ગુજરાતમાં સક્રિય નથી અને આ પ્રકારે કોઈ કેસ પણ હજુ સુધી નોંધાયો નથી. આ વીડિયોને હાલની ગુજરાતની પરિસ્થિતિ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયો ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 13 ફેબ્રુઆરી, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, ખુબજ અગત્યનું. છે, બધે તાત્કાલિક મોકલજો. આ વીડિયો સાથે એવો દાવો કરવામાં આવી રહ્યો છે કે, ગુજરાત પોલીસ દ્વારા આપવામાં આવેલી ચેતવણીનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ ગુગલનો સહારો લઈ જુદા-જુદા કીવર્ડથી સર્ચ કરતાં અમને ક્યાંય પણ આ પ્રકારની ગેંગ ગુજરાતમાં સક્રિય હોય એવું જાણવા મળ્યું ન હતું.

અમારી વધુ તપાસમાં અમને જાણવા મળ્યું હતું કે, આ વીડિયો વર્ષ 2022 થી સોશિયલ મીડિયા પર ઉપલબ્ધ છે. અમારી તપાસને વધુ મજબૂત બનાવવા માટે અમે ગુજરાત પોલીસનો સંપર્ક કરતાં અમને ફરજ પરના અધિકારી પાસેથી જાણવા મળ્યું હતું કે, આ પ્રકારની કોઈ જ ઘટના તાજેતરમાં ગુજરાતમાં બની નથી કે આવી કોઈ જ ગેંગ હાલમાં ગુજરાતમાં સક્રિય પણ નથી.

ત્યાર બાદ અમે ગુજરાત સાયબર ક્રાઈમનો સંપર્ક કરતાં અમને અધિકારી દ્વારા એવી માહિતી આપવામાં આવી હતી કે, “આ પ્રકારની કોઈ ગેંગની હજુ સુધી ફરિયાદ આવી નથી, કે આવી કોઈ ઘટના બનવા પામી નથી, લોકોને ડરાવવા આ મેસેજ સોશિયલ મિડિયામાં શેર કરવામાં આવી રહ્યો છે. લોકોએ અફવાઓથી દૂર રહેવુ જોઈએ.”

આ વીડિયો અંગે અમે વર્ષ 2022 માં તાત્કાલિન DGP આશિષ ભાટિયાનો સંપર્ક કરતાં તેઓએ અમને જણાવ્યું હતું કે, “આ પ્રકારે કોઈ ઘટના સમગ્ર ગુજરાતમાં ક્યાંય પણ બનાવા પામી નથી, આવી કોઈ ગેંગ કાર્યરત હોવાનું પોલીસના ધ્યાનમાં આવ્યુ નથી, તેમજ આ મેસેજ અંગેની સત્યતા તપાસવા અમે પગલા ભરીશુ.”

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ગુજરાત પોલીસની ચેતવણીના જે વીડિયો મૂકવામાં આવ્યો છે એ માહિતી તદ્દન ખોટી છ હોવાની ગુજરાત પોલીસ દ્વારા સ્પષ્ટતા કરવામાં આવી હતી. તેમજ આ પ્રકારે કોઈ જ ગેંગ ગુજરાતમાં સક્રિય નથી અને આ પ્રકારે કોઈ કેસ પણ હજુ સુધી નોંધાયો નથી. આ વીડિયોને હાલની ગુજરાતની પરિસ્થિતિ સાથે કોઈ જ સંબંધ નથી. લોકોને ગેરમાર્ગે દોરવા માટે વીડિયો ખોટી માહિતી સાથે સોશિયલ મીડિયા પર વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)