જાણો 9 વર્ષની છોકરીને બચાવવા માટે ખેડૂતે વાઘ સાથે બાથ ભીડી હોવાના નામે વાયરલ થઈ રહેલા વીડિયોનું શું છે સત્ય….

તાજેતરમાં સોશિયલ મીડિયા પર કેટલાક લોકો દ્વારા પકડવામાં આવેલા પશુનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, 9 વર્ષની છોકરીને બચાવવા માટે ખેડૂતે વાઘ સાથે બાથ ભીડી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં લોકો દ્વારા પકડવામાં આવેલા વાઘનો જે વીડિયો મૂકવામાં આવ્યો છે એ વાઘનો નહીં પરંતુ રાજસ્થાનના નાંગલ લોટવાડા ગામમાં લોકો પર જરખ દ્વારા કરવામાં આવેલા હુમલાનો છે. આ વીડિયોને 9 વર્ષની બાળકી પરના હુમલા સાથે કોઈ જ સંબંધ નથી. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે?

એક ફેસબુક યુઝર દ્વારા 22 જાન્યુઆરી, 2025 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, આ છે ખેડૂતની તાકાત વાલા. પોસ્ટમાં મૂકવામાં આવેલા વીડિયો સાથે એવો દાવો કરવામાં આવી રહ્યો છે કે, 9 વર્ષની છોકરીને બચાવવા માટે ખેડૂતે વાઘ સાથે બાથ ભીડી તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈ ગુગલ રિવર્સ ઈમેજના માધ્યમથી સર્ચ કરતાં અમને પોસ્ટમાં મૂકવામાં આવેલા આજ વીડિયો સાથેના સમાચાર ડીડી ન્યૂઝ રાજસ્થાન દ્વારા 4 જાન્યુઆરી, 2025 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આ હતી કે, રાજસ્થાનમાં કુવામાંથી બહાર નીકાળવામાં આવેલા જરખે ગામ લોકો પર હુમલો કરતાં 2 લોકો ગંભીર રીતે ઘાયલ થયા હતા. 

અમારી વધુ તપાસમાં આજ વીડિયો અને માહિતી સાથેના સમાચાર લાઈવ હિંદુસ્તાન અને પત્રિકા દ્વારા પણ પ્રસારિત કરવામાં આવ્યા હતા.

Archive

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ભ્રામક હોવાનું સાબિત થાય છે કારણ કે, પોસ્ટમાં લોકો દ્વારા પકડવામાં આવેલા વાઘનો જે વીડિયો મૂકવામાં આવ્યો છે એ વાઘનો નહીં પરંતુ રાજસ્થાનના નાંગલ લોટવાડા ગામમાં લોકો પર જરખ દ્વારા કરવામાં આવેલા હુમલાનો છે. આ વીડિયોને 9 વર્ષની બાળકી પરના હુમલા સાથે કોઈ જ સંબંધ નથી. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770)પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagramઅને Twitterપર Fact Crescendoને ફોલો કરો.)