આ વીડિયો પંજાબનો નથી પરંતુ ગયા મહિને ઓગસ્ટ મહિનામાં પાકિસ્તાનના સ્વાતમાં આવેલા ભયાનક પૂરનો છે.
હાલમાં દેશના ઘણા ભાગો ભારે વરસાદને કારણે પૂરની ઝપેટમાં છે. પંજાબની વાત કરીએ તો ત્યાં પરિસ્થિતિ ખૂબ જ ખરાબ છે. રાજ્યના તમામ 23 જિલ્લાઓને પૂરગ્રસ્ત જાહેર કરવામાં આવ્યા છે. ભારે વરસાદને કારણે પંજાબના ઘણા ભાગો પૂરમાં ડૂબી ગયા છે. જનજીવન ખોરવાઈ ગયું છે. આ સંદર્ભમાં, ઈન્ટરનેટ પર એક વીડિયો વાયરલ થયો છે, જેમાં પાણીનો ભયંકર પૂર દેખાઈ રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “પૂર દર્શાવતો આ વીડિયો હાલમાં પંજાબમાં ભારે વરસાદ બાદની પરિસ્થિતિનો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 04 સપ્ટેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પૂર દર્શાવતો આ વીડિયો હાલમાં પંજાબમાં ભારે વરસાદ બાદની પરિસ્થિતિનો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને ડિજિટલ રીવાઇન્ડ નામના ફેસબુક પેજ પર આ જ વીડિયો મળ્યો. 15 ઓગસ્ટ 2025ના રોજ અપલોડ કરવામાં આવ્યો હતો. જે તમે નીચે જોઈ શકો છો.
તેમજ આ વીડિયોને ધ્યાનથી જોતો તો અમને આ વીડિયોમાં અમને ઉર્દુ ભાષામાં મિંગોરા શરીફ આબાદ મકાન બાગ રોડ લખેલું જોવા મળ્યુ હતુ.
તેમજ વધુ સર્ચ કરતા સ્વાટ ન્યુઝ દ્વારા તેમની ઓફિશિયલ યુટ્યુબ ચેનલ પર આ જ માહિતી સાથે આ શહેરના બીજા ભાગનો વીડિયો પ્રસારિત કર્યો હતો. જે તમે નીચે જોઈ શકો છો.
તેમજ આ ક્લુના આધારે અમે સર્ચ કરતા અમને આ જ સ્થળના તબાહીના દ્રશ્યો પણ ઈસ્લામચેનલટીવી દ્વારા લેવામાં આવ્યા હતા. જે તમે નીચે જોઈ શકો છો.
તેમજ વધુ સર્ચ કરતા અમને ધ ગાર્ડિયનનો એક અહેવાલ પ્રાપ્ત થયો હતો જેની સાથે માહિતી આપવામાં આવી હતી કે, “પાકિસ્તાનમાં ખૈબર પખ્તુનખ્વા સૌથી વધુ અસરગ્રસ્ત પ્રદેશ રહ્યો છે, જ્યાં મુશળધાર વરસાદ અને અચાનક પૂરના કારણે 400 થી વધુ લોકો માર્યા ગયા છે, એમ પ્રાંતીય આપત્તિ વ્યવસ્થાપન સત્તામંડળના જણાવ્યા અનુસાર. સ્વાતમાં હજારો ઘરોને નુકસાન થયું હોવાના અહેવાલ છે, જેમાં અબજો રૂપિયાનું નુકસાન થયું છે.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયો સાથે કરવામાં આવી રહેલો દાવો ખોટો છે. વાસ્તવમાં આ વીડિયો પંજાબના પૂરનો નથી પરંતુ આ વર્ષે ઓગસ્ટ મહિનામાં પાકિસ્તાનના સ્વાત વિસ્તારમાં આવેલા પૂરનો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:પાકિસ્તાનના સ્વાતનો એક વીડિયો પંજાબના નામે વાયરલ થઈ રહ્યો… જાણો શું છે સત્ય….
Fact Check By: Frany KariaResult: Misleading
