જાણો હાર્દિક પંડ્યાની સામે ‘મુંબઈ ચા રાજા રોહિત શર્મા’ ની નારેબાજીના વાયરલ વીડિયોનું શું છે સત્ય….

તાજેતરમાં સોશિયલ મીડિયા પર ભારતીય ક્રિકેટર હાર્દિક પંડ્યાનો એક વીડિયો વાયરલ થઈ રહ્યો છે. આ વીડિયો સાથે એવો દાવો કરવામાં આવી રહ્યો છે કે, હાર્દિક પંડ્યાની સામે રોહિત શર્માના ફેન્સે ‘મુંબઈ ચા રાજા, રોહિત શર્મા’ ની નારેબાજી કરી. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં હાર્દિક પંડ્યાનો જે વીડિયો મૂકવામાં આવ્યો છે એ એડિટેડ છે. વાસ્તવિક વીડિયો 3 વર્ષ જૂનો છે જેમાં ક્યાંય પણ કોઈ નારેબાજી સંભળાતી નથી. આ વીડિયોને સોશિયલ મીડિયા પર ખોટી અને ભ્રામક માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ઈન્સ્ટાગ્રામ યુઝર દ્વારા 22 ડિસેમ્બર, 2023 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથે એવો દાવો કરવામાં આવી રહ્યો છે કે, હાર્દિક પંડ્યાની સામે રોહિત શર્માના ફેન્સે ‘મુંબઈ ચા રાજા, રોહિત શર્મા’ ની નારેબાજી કરી.

Instagram Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈને તેને ગુગલ રિવર્સ ઈમેજનો સહારો લઈને સર્ચ કરતાં અમને mid-day.com દ્વારા 23 જાન્યુઆરી, 2020 ના રોજ પ્રસારિત કરવામાં આવેલા એક સમાચાર પ્રાપ્ત થયા હતા. જેમાં હાર્દિક પંડ્યાએ પોસ્ટમાં મૂકવામાં આવેલા વીડિયોમાં જે કપડાં પહેર્યા છે એજ ફોટા મૂકવામાં આવ્યા હતા. જેની સાથે એવી માહિતી આપવામાં આવી હતી કે, આ ફોટા હાર્દિક પંડ્યા મુંબઈ એરપોર્ટ પર હતો એ સમયના છે. આ સંપૂર્ણ સમાચારમાં ક્યાંય પણ ‘બઈ ચા રાજા, રોહિત શર્મા’ની નારેબાજી કરવામાં આવી એવું જણાવવામાં આવ્યું ન હતું.

ત્યાર બાદ અમારી વધુ તપાસમાં અમને એક ઈન્સ્ટાગ્રામ યુઝર દ્વારા આજ વીડિયો 21 જાન્યુઆરી, 2020 ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેમાં ક્યાંય પણ પોસ્ટમાં કરવામાં આવેલા દાવા મુજબની નારેબાજી સાંભળવા મળતી નથી.

View this post on Instagram

A post shared by Bollywood Pap (@bollywoodpap)

અમારી વધુ તપાસમાં અમને આજ વીડિયો એક યુટ્યુબ ચેનલ પર 22 ઓક્ટોમ્બર, 2020 ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેમાં પણ ક્યાંય પોસ્ટમાં કરવામાં આવેલા દાવા મુજબની નારેબાજી સાંભળવા મળતી નથી.

ત્યાર બાદ અમે વાયરલ વીડિયોમાં થઈ રહેલી નારેબાજી માટે જુદા-જુદા કીવર્ડથી સર્ચ કરતાં અમને એક યુટ્યુબ યુઝર દ્વારા 18 જાન્યુઆરી, 2020 ના રોજ અપલોડ કરવામાં આવેલો વીડિયો પ્રાપ્ત થયો હતો. જેમાં આજ નારેબાજી સાંભળી શકાય છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ભ્રામક હોવાનું સાબિત થાય છે કારણ કે, પોસ્ટમાં હાર્દિક પંડ્યાનો જે વીડિયો મૂકવામાં આવ્યો છે એ એડિટેડ છે. વાસ્તવિક વીડિયો 3 વર્ષ જૂનો છે જેમાં ક્યાંય પણ કોઈ નારેબાજી સંભળાતી નથી. આ વીડિયોને સોશિયલ મીડિયા પર ખોટી અને ભ્રામક માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)