11 મે, 2021ના રોજ દક્ષિણ ગાઝા પટ્ટીમાં ઇઝરાયેલ-પેલેસ્ટિનિયન હિંસાના ભડકા વચ્ચે ઇઝરાયેલના હવાઇ હુમલા દરમિયાનની તસ્વીર છે.

સોશિયલ મીડિયામાં એક ફોટો વાયરલ થઈ રહ્યો છે. જેમાં બિલ્ડિંગ પર કાળા ધુમાડા ઉડતા જોવા મળી રહ્યા છે. આ ફોટોને શેર કરીને દાવો કરવામાં આવી રહ્યો છે કે, “ઈઝરાયલ દ્વારા ગાઝા પટ્ટી પર હાલમાં કરવામાં આવેલો હુમલાની તસ્વીર છે.”
શું દાવો કરવામાં આવી રહ્યો છે.?
मनोज हिंदुस्तानी નામના ફેસબુક યુઝર દ્વારા તારીખ 07 એપ્રિલ 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ઈઝરાયલ દ્વારા ગાઝા પટ્ટી પર હાલમાં કરવામાં આવેલો હુમલાની તસ્વીર છે.”

FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે પોસ્ટ સાથે શેર કરવામાં આવેલા ફોટોને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને Reuters દ્વારા 11 મે 2021ના પ્રસારિત અહેવાલ પ્રાપ્ત થયો હતો. જેમાં માહિતી આપવામાં આવી હતી કે, “11 મે, 2021ના રોજ દક્ષિણ ગાઝા પટ્ટીમાં ઇઝરાયેલ-પેલેસ્ટિનિયન હિંસાના ભડકા વચ્ચે ઇઝરાયેલના હવાઇ હુમલા દરમિયાનના દ્રશ્યો છે. જેને ઈબ્રાહીમ અબુ મુસ્તફા દ્વારા લેવામાં આવ્યો હતો.”

તેમજ વધુ સર્ચ કરતા અમને સીએનબીસી દ્વારા પ્રસારિત અહેવાલ પ્રાપ્ત થયો હતો. જેમાં પણ આ જ માહિતી આપવામાં આવી હતી.
હિન્દુસ્તાન ટાઈમ્સ દ્વારા તેમની ઓફિશિયલ યુટ્યુબ ચેનલ પર આ જ લોકેશન પરથી વીડિયો લેવામાં આવ્યો હતો. જે પ્રસારિત કરવામાં આવ્યો હતો. જે તમે નીચે જોઈ શકો છો.
હાલમાં શુ સ્થિતી છે.?
હાલમાં ઇઝરાયલ અને ગાઝા વચ્ચે શું ચાલી રહ્યુ છે તે જાણવા અમે ગૂગલ પર સર્ચ કરતા અમને અલઝઝિરાનો એક અહેવાલ પ્રાપ્ત થયો હતો. જે મુજબ “એપ્રિલ મહિનાના પહેલા અઠવાડિયે કબજે કરેલા પૂર્વ જેરૂસલેમમાં અલ-અક્સા મસ્જિદ પર ઇઝરાયેલી દળોએ આ અઠવાડિયે ક્રમિક દિવસોમાં હુમલો કર્યો, સ્ટન ગ્રેનેડ ફાયરિંગ કર્યા અને પેલેસ્ટિનિયનો રમઝાનની સાંજની નમાઝ માટે ભેગા થયા ત્યારે હુમલો કર્યા પછી તણાવમાં વધારો થયો. અધિકૃત પશ્ચિમ કાંઠે એક વાહન પર બંદૂકધારીઓએ ગોળીબાર કર્યા પછી બે ઇઝરાયેલી વસાહતીઓ માર્યા ગયા હતા. ઈઝરાયેલની સેનાએ દક્ષિણ લેબનોન અને ગાઝા પટ્ટી પર રોકેટ હુમલાના અહેવાલ બાદ હવાઈ હુમલા શરૂ કર્યા હતા.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, 11 મે, 2021ના રોજ દક્ષિણ ગાઝા પટ્ટીમાં ઇઝરાયેલ-પેલેસ્ટિનિયન હિંસાના ભડકા વચ્ચે ઇઝરાયેલના હવાઇ હુમલા દરમિયાનની તસ્વીર છે. હાલમાં કરવામાં આવેલા હુમલાની વાત તદ્દન ખોટી છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)

Title:દક્ષિણ ગાઝા પટ્ટીમાં ઈઝરાયલ દ્વારા કરવામાં આવેલા વર્ષ 2021ના ફોટોને ખોટા દાવા સાથે શેર કરવામાં આવી રહ્યો… જાણો શું છે સત્ય…
Fact Check By: Frany KariaResult: Missing Context
