તાજેતરમાં 2026 ની મ્યુનિસિપલ ચૂંટણીમાં ગોધરાના મુસ્લિમ બહુમતીવાળા વોર્ડ 7 માંથી અપક્ષ ઉમેદવાર અપેક્ષાબેન નૈનેશભાઈ સોની જીત્યા હતા. આ પૃષ્ઠભૂમિમાં, મુસ્લિમ લોકોના એક જૂથનો રસ્તા પર ભાજપના ઝંડા સાથે નાચવાનો એક વીડિયો સોશિયલ મીડિયા પર વાયરલ થયો હતો, આ વીડિયોને શેર કરીને દાવો કરવામાં આવી રહ્યો છે કે, “ગોધરામાં અપેક્ષાબેન નૈનેશભાઈ સોનીની તાજેતરમાં જીત બાદ ઉજવણી કરવામાં આવી તેનો આ વીડિયો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
અમે વાયરલ વીડિયોમાંથી સ્ક્રીનશોટ લઈને અને રિવર્સ ઈમેજ સર્ચ કરીને અમારી તપાસ શરૂ કરી. આનાથી અમને એક ઇન્સ્ટાગ્રામ હેન્ડલ મળ્યું જ્યાં વાયરલ વીડિયો 18 જાન્યુઆરી, 2026ના રોજ અપલોડ કરવામાં આવ્યો હતો.
રિપોર્ટ અનુસાર, આ વીડિયો 2026ની BMC ચૂંટણીમાં મહાયુતિની જીત સાથે સંબંધિત હતો.
અમને આવી જ બીજી પોસ્ટ મળી જેમાં દાવો કરવામાં આવ્યો હતો કે આ વીડિયો 2026 ની BMC ચૂંટણીમાં ભાજપની જીત પછી મુસ્લિમ સમર્થકોના વિજય નૃત્યને દર્શાવે છે.
અમને વીડિયોમાં “આગાઈ પટેલ હોસ્પિટલ”, “મહારાષ્ટ્ર” લખેલા હોર્ડિંગ્સ દેખાયા.
આ સંકેતને આધારે, અમે સંબંધિત કીવર્ડ શોધ કરી અને આ ક્લિનિકનું સ્થાન શોધી કાઢ્યું. આ ક્લિનિક મહારાષ્ટ્રના જિંતુરના મોઢા રોડ પર આવેલું છે.
આનાથી સ્પષ્ટ થાય છે કે વાયરલ વીડિયો જૂનો છે અને મહારાષ્ટ્રનો છે.
પરિણામ
આમ અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, રસ્તા પર નાચતા મુસ્લિમ લોકોનો વાયરલ વીડિયો ગોધરામાં તાજેતરના ચૂંટણી પરિણામો સાથે સંબંધિત નથી. આ મહારાષ્ટ્રનો જૂનો વીડિયો છે.
Title: ગોધરામાં અપેક્ષા સોનીની જીત સાથે જોડાયેલો મહારાષ્ટ્રનો જૂનો વીડિયો વાયરલ થઈ રહ્યો છે… જાણો શું છે સત્ય…
Fact Check By: FRANY KARIA
Result: False
