વાયરલ તસવીરમાં TATA નેનોની નવી ઇલેક્ટ્રિક કારની નથી. આ તસ્વીર ટોયોટા એગો એક્સની છે.
તાજેતરમાં એક કારની તસવીર સોશિયલ મીડિયા પર વાયરલ થઈ રહી છે. જેને સોશિયલ મીડિયામાં શેર કરીને દાવો કરવામાં આવ્યો છે કે, “TATA નેનોની નવી ઇલેક્ટ્રિક કાર છે. જે લોંચ થવા જઈ રહી છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 24 જૂલાઈ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “TATA નેનોની નવી ઇલેક્ટ્રિક કાર છે. જે લોંચ થવા જઈ રહી છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
અમે રિવર્સ ઈમેજ સર્ચ કરીને અમારી તપાસ શરૂ કરી અને પરિણામે, અમને એક વેબસાઈટ પર કારની ઈમેજ મળી જે વાયરલ ઈમેજ જેવી જ હતી. પરંતુ કારનો લોગો ટોયોટાનો હતો અને તે Aygo X હતો.
બંને છબીઓની સરખામણી કરતા, અમને કેટલીક સમાનતાઓ મળી. સરખામણી નીચે જોઈ શકાય છે.
આ ક્લુ ને લઈ અમે સંબંધિત કીવર્ડનો ઉપયોગ કરીને, અમને “auto.cz” વેબસાઈટ પર “Toyota Aygo X આખરે પ્રાગમાં આવી ગયું છે” શીર્ષક સાથે પ્રકાશિત લેખ મળ્યો. આપણે નવું શું શીખ્યા?” ત્યાં અમને વાયરલ તસવીર જેવી જ એક તસવીર મળી છે. ત્યાં એવો ઉલ્લેખ કરવામાં આવ્યો હતો કે ચેક રિપબ્લિકમાં ઉત્પાદિત ટોયોટા Aygo Xનું આખરે સત્તાવાર ચેક પ્રીમિયર હતું.
વાયરલ ઇમેજ અને Toyota Aygo X વચ્ચેની સરખામણી નીચે જોઈ શકાય છે.
આગળ, અમને Toyota UK મેગેઝિન વેબસાઇટ પર Toyota Aygo X વિશે વિગતો મળી.
Toyota Aygo X એ ટોયોટા દ્વારા માર્ચ 2022 થી A-સેગમેન્ટમાં 5-દરવાજાની ક્રોસઓવર સિટી કાર તરીકે ઉત્પાદિત હેચબેક છે. Aygo નેમપ્લેટનો ઉપયોગ કરીને, તે મુખ્યત્વે યુરોપિયન બજાર માટે માર્કેટિંગ કરવામાં આવે છે. તે ટોયોટા મોટર મેન્યુફેક્ચરિંગ ચેક રિપબ્લિક (TMMCZ, અગાઉ TPCA તરીકે ઓળખાતું) કોલિન, ચેક રિપબ્લિકના પ્લાન્ટમાં બનાવવામાં આવ્યું છે અને 2005 થી 2022 દરમિયાન બે પેઢીઓમાં ઉત્પાદિત અગાઉની Aygo હેચબેકને બદલે છે.
ઉપરાંત, અમને યુટ્યુબ પર એક વીડિયો મળ્યો છે જે ટોયોટા એગો એક્સ સ્પષ્ટીકરણો દર્શાવે છે.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ તસવીરમાં TATA નેનોની નવી ઇલેક્ટ્રિક કારની નથી. આ તસ્વીર ટોયોટા એગો એક્સની છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:Toyota Aygo Xની તસ્વીર TATA નેનો ઈલેક્ટ્રિક કારના નામે વાઈરલ થઈ રહી… જાણો શું છે સત્ય….
Fact Check By: Frany KariaResult: False
