અધિકારીઓને ધમકી આપતા અબ્બાસ અન્સારીનો બે વર્ષ જૂનો વીડિયો છે… જાણો શું છે સત્ય….

લોકસભા ચૂંટણી 2024ના પરિણામો બાદ મુખ્તાર અંસારીના પુત્રનો એક વીડિયો સોશિયલ મીડિયા પર વાયરલ થઈ રહ્યો છે. આમાં તેઓ એમ કહેતા સાંભળી શકાય છે કે તેમણે એસપીના રાષ્ટ્રીય અધ્યક્ષ અખિલેશ યાદવને કહ્યું છે કે છ મહિના સુધી કોઈ અધિકારીનું ટ્રાન્સફર-પોસ્ટિંગ નહીં થાય. તેમને પહેલા સમાધાન કરવામાં આવશે.

વીડિયોની સાથે એવો દાવો કરવામાં આવી રહ્યો છે કે, “લોકસભા ચૂંટણીના પરિણામ જાહેર થયા બાદ યુપીના ગાઝીપુરથી મુખ્તાર અંસારીના ભાઈ અફઝલ અંસારીની જીત બાદ અબ્બાસ અન્સારીએ અધિકારીઓને ખુલ્લેઆમ ધમકી આપી હતી.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 06 જૂન 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “લોકસભા ચૂંટણીના પરિણામ જાહેર થયા બાદ યુપીના ગાઝીપુરથી મુખ્તાર અંસારીના ભાઈ અફઝલ અંસારીની જીત બાદ અબ્બાસ અન્સારીએ અધિકારીઓને ખુલ્લેઆમ ધમકી આપી હતી.”

Facebook | Fb post Archive | Fb Video Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

તપાસની શરૂઆતમાં, જ્યારે અમે વીડિયોની કીફ્રેમ્સ રિવર્સ સર્ચ કરી, ત્યારે અમને ANI UP/Uttarakhandના X હેન્ડલ પર 4 માર્ચ, 2022ના રોજ અપલોડ કરાયેલો વાયરલ વીડિયો મળ્યો. તેનાથી સ્પષ્ટ થાય છે કે વાયરલ વીડિયો તાજેતરનો નથી.

મીડિયા રિપોર્ટસ અનુસાર, માફિયા મુખ્તાર અંસારીના પુત્ર અબ્બાસે SP ચીફ અખિલેશ યાદવનું નામ લીધું હતું અને ધમકી આપી હતી કે જો ઉત્તર પ્રદેશમાં સરકાર બનશે તો અધિકારીઓ સાથે સમાધાન કરી લેશે.

ત્યારે અબ્બાસ અન્સારી સપા ગઠબંધનના ઉમેદવાર હતા અને સુહેલદેવે ભારતીય સમાજ પાર્ટીની ટિકિટ પર ઉત્તર પ્રદેશના મઉ વિધાનસભા ચૂંટણી લડી હતી.

#WATCH | I've told SP chief Akhilesh Yadav that no transfers or postings will happen for 6 months as 'hisab kitab' will happen with them first and only then their transfer certificates will be stamped: Abbas Ansari, SP alliance candidate from Mau seat, Uttar Pradesh (03.03.2022) pic.twitter.com/NQ9farLMov

— ANI UP/Uttarakhand (@ANINewsUP) March 4, 2022

પ્રાપ્ત માહિતીની મદદથી વધુ તપાસ કરતા, અમને જનસત્તાની વેબસાઇટ પર વાયરલ વીડિયોના સમાચાર પણ મળ્યા.

4 માર્ચ, 2022 ના રોજ પ્રકાશિત સમાચાર અનુસાર, 2022માં ઉત્તર પ્રદેશ વિધાનસભા ચૂંટણીના છઠ્ઠા તબક્કાના મતદાન પછી, મુખ્તાર અંસારીના પુત્ર અબ્બાસ અંસારીના વિવાદાસ્પદ નિવેદનનો આ વીડિયો સોશિયલ મીડિયા પર વાયરલ થયો હતો.

આમાં તેઓ કહી રહ્યા છે કે એસપી ચૂંટણી જીત્યા બાદ પહેલા અધિકારીઓનો હિસાબ કરવામાં આવશે અને પછી તેમની બદલી કરવામાં આવશે. મઉ પહાડપુરા મેદાનમાં યોજાયેલી જાહેરસભામાં તેમણે આ વિવાદાસ્પદ નિવેદન આપ્યું હતું. બેઠકમાં તેમણે આક્ષેપ કર્યો હતો કે તેમના વાહનની દિવસમાં ઘણી વખત તપાસ કરવામાં આવી રહી છે, જ્યારે અન્ય ઉમેદવારોની તપાસ કરવામાં આવી રહી નથી. અબ્બાસ સમાજવાદી પાર્ટીના સહયોગી સુહેલદેવ ભારતીય સમાજ પાર્ટીની ટિકિટ પર મઉથી ચૂંટણી લડી રહ્યા હતા.

ટાઈમ્સ ઓફ ઈન્ડિયા લખનઉં દ્વારા પ્રકાશિત અહેવાલ અનુસાર આ મામલાની નોંધ લેતા ચૂંટણી પંચે અબ્બાસના પ્રચાર પર 24 કલાક માટે પ્રતિબંધ લગાવી દીધો હતો. પરંતુ, અબ્બાસ આખરે મઉ સદર બેઠક પરથી જીતવામાં સફળ થયા. નીચે સમાચાર જુઓ.

FIR against #MukhtarAnsari son & SP-SBSP candidate, Abbas, from Mau for threatening officials. #AbbasAnsari #UPElections2022 pic.twitter.com/Gy3kEAQidj

— TOI Lucknow (@TOILucknow) March 4, 2022

Archive

અબ્બાસ અંસારી હાલ જેલમાં છે.

વધુ તપાસ કરતાં અમને ખબર પડી કે અબ્બાસ અંસારી હાલમાં જેલમાં છે. આ સમાચાર 29 મે 2024 ના રોજ લાઇવ હિન્દુસ્તાનની વેબસાઇટ પર પ્રકાશિત કરવામાં આવ્યા હતા. તમને જણાવી દઈએ કે અબ્બાસ અન્સારી પર ઘણા કેસ ચાલી રહ્યા છે અને તે હાલ કાસગંજ જેલમાં બંધ છે. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, મુખ્તાર અંસારીના પુત્ર અબ્બાસ અન્સારીનો આ વીડિયો લગભગ બે વર્ષ જૂનો છે. આ વીડિયોનો તાજેતરની લોકસભા ચૂંટણી સાથે કોઈ સંબંધ નથી. તેમણે આ વિવાદાસ્પદ નિવેદન ઉત્તર પ્રદેશ વિધાનસભા ચૂંટણી 2022 દરમિયાન આપ્યું હતું. આ પછી તેની સામે કેસ નોંધવામાં આવ્યો હતો. હાલ અબ્બાસ જેલમાં છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)